Hramadskamu abjadnańniu «Biełaruskaja asacyjacyja žurnalistaŭ» spoŭniłasia siońnia 20 hadoŭ. Pra heta nahadvaje pres-słužba BAŽ.
«Siońnia my z pavahaj i ŭdziačnaściu ŭspaminajem usich, chto stajaŭ la vytokaŭ arhanizacyi — tych 38 čałaviek, jakija 16 vieraśnia 1995 hoda sabralisia ŭ minskim Domie litarataraŭ, kab zasnavać HA «BAŽ».
Hetuju i inšyja admietnyja staronki žyćcia «Biełaruskaj asacyjacyi žurnalistaŭ» — jak radasnyja, tak i trahičnyja — možna pahartać u Tajmłajn, jaki byŭ padrychtavany śpiecyjalna da jaje 20-hodździa.
My z bolem uspaminajem usich kalehaŭ, jakija pajšli z žyćcia za hetyja hady. Niekatoryja — zusim niadaŭna… Ale siońniašni dzień — nie tolki dla ŭspaminaŭ. Jon taksama — dla žyvych razmoŭ, płanaŭ, dyskusij i sprečak, bieź jakich nie byvaje rostu i raźvićcia, hramadstva i siabroŭstva.
Karparatyŭnyja mierapryjemstvy z nahody jubileju ŭ hetyja dni prachodziać u rehijonach, dzie jość adździaleńni HA «BAŽ». Jany ŭžo adbylisia ŭ Łunincy, Bieraści, Homieli, Viciebsku i jašče adbuducca ŭ inšych haradach Biełarusi», — havorycca ŭ paviedamleńni.
U Miensku na 16 vieraśnia zapłanavanaje pasiadžeńnie Rady HA «BAŽ».
Kamientary