U mahazinach Biełarusi niama kantrafaktnaha ałkaholu, zajaviŭ namieśnik ministra — hałoŭny dziaržaŭny sanitarny ŭrač Ihar Hajeŭski na pres-kanfierencyi ŭ Minsku 16 vieraśnia.
«Prosta niemahčyma, kab u Biełarusi byŭ vypuščany kantrafakt. Usie techrehłamienty vykonvajucca», — skazaŭ jon ab ajčynnaj ałkaholnaj pradukcyi. Hajeŭski padkreśliŭ, što ŭvieś ałkahol, jaki vyrablajecca ŭ krainie, padviarhajecca surjoznaj praviercy. Akramia taho, stvorany nadziejny barjer dla niedapuščeńnia źjaŭleńnia niajakasnaha ałkaholu ŭ abjektach handlu.
Havoračy ab impartnym ałkaholi, Hajeŭski zajaviŭ, što «časam było niezrazumieła, što adbyvajecca». Jon zhadaŭ «vypadki, kali ludzi trucilisia niezrazumieła čym».
Barjeram dla niajakasnaha niestandartnaha impartnaha ałkaholu ŭ Biełarusi źjaŭlajecca abaviazkovaja dziaržaŭnaja ekśpiertyza, skazaŭ Hajeŭski. Kali hetaja pracedura budzie admieniena, «źjavicca ščylina dla taho, kab na rynak patrapiła niešta niezrazumiełaje». Na ekśpiertyzu pryvoziać u bolšaści vypadkaŭ tolki toj tavar, jaki moža jaje prajści, padkreśliŭ Hajeŭski.
«U vyniku my ŭpeŭnienyja, što na lehalnym rynku Biełarusi nie pradajuć niadobry ałkahol u płanie pakazčykaŭ, prymiešak i hetak dalej», — zajaviŭ Hajeŭski.
Namieśnik hałoŭnaha ŭrača Respublikanskaha centra hihijeny, epidemijałohii i hramadskaha zdaroŭja Vadzim Hulin dadaŭ, što sioleta impartnaja ałkaholnaja pradukcyja była zabrakavanaja praz vysokaje ŭtrymańnie sivušnych alejaŭ, składanych efiraŭ, mietanołu.
Vino brakavali z-za nieadpaviednaści standartam pakazčykaŭ kisłotnaści, jakija pakazvali na vykarystańnie sastarełaha vinamateryjału, a taksama parušeńniaŭ umoŭ i terminaŭ zachoŭvańnia vina da roźlivu.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy41
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary