U minskaj kvatery znajšli zabitaha 9-hadovaha chłopčyka, a kala doma — pamierłuju žančynu
sk.gov.by
«Žančyna zabiła siabra svajho syna. Dziciaci hadoŭ dzieviać. Heta było ŭ Zavodskim rajonie, jak miarkujecca, u subotu, pryjšli dzieci da ich dadomu, pahulali tam, potym jana jaho zabrała ŭ dom svajoj maci i zadušyła», — paviedamiła Tut.by čytačka.
Fakt hibieli dziciaci paćvierdzili ŭ pres-słužbie Śledčaha kamiteta.
«Zaviedziena kryminalnaja sprava pa fakcie zabojstva 9-hadovaha chłopčyka. Cieła dziciaci z prykmietami hvałtoŭnaj śmierci było vyjaŭlena 5 vieraśnia ŭ adnoj z kvater stalicy. Akramia taho, la padjezda hetaha doma było znojdziena cieła 32-hadovaj maci adnaho z adnakłaśnikaŭ zahinułaha chłopčyka, z prykmietami padzieńnia z vyšyni», — raspaviali ŭ viedamstvie.
Pravaachoŭnymi orhanami ŭstanaŭlivajucca ŭsie abstaviny zdareńnia.
«Chod rasśledavańnia kryminalnaj spravy uziaty na asabisty kantrol kiraŭnictva viedamstva», — adznačyli ŭ Śledčym kamitecie.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina22
Kamientary