Narodny artyst Rasii Michaił Śviecin pamior u niadzielu ranicaj na 85-m hodzie žyćcia ŭ reanimacyi Hatčynskaj centralnaj rajonnaj balnicy ŭ Leninhradskaj vobłaści, paviedamlaje TASS.
Michaiła Śviecina ekstrana špitalizavali 23 žniŭnia. Paśla apieracyi, jakaja zaviaršyłasia paśpiachova, akciora pieraviali ŭ reanimacyju i padklučyli da štučnaj vientylacyi lohkich.
Pa niekatorych dadzienych, u akciora byŭ hiemaraličny insult.
Zasłužany artyst RSFSR, narodny artyst Rasii Michaił Śviecin da apošniaha času słužyŭ u pieciarburhskim Teatry kamiedyi imia Akimava.
Naradziŭsia 11 śniežnia 1930 h. u Kijevie. U intervju zajaŭlaŭ, što starejšy na hod, i hod u pašparcie pamyłkovy.
Viadomaść atrymaŭ u 1975 hodzie, kali adyhraŭ u kamiedyjach Hieorhija Danielii «Afonia» i Leanida Hajdaja «Nie moža być!»
Michaił Śviecin syhraŭ dziasiatki rolaŭ. Jon źniaŭsia ŭ «Čaradziejach», «Inśpiektary Łosievie», «Niezvyčajnych pryhodach Karyka i Vali», «Čałaviek z bulvara Kapucynaŭ», «Dvanaccaci kresłach», «Afoni» dy inšych filmach.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie23
Kamientary