Ceny na spažyvieckim rynku pad žorstkim kantrolem, zajavili ŭ pres-słužbie Ministerstva handlu.
«Situacyja z cenami na spažyvieckim rynku Biełarusi dosyć spakojnaja. Asobnyja sproby nieabhruntavana pavysić ceny adsočvajucca i praduchilajucca», — paviedamili ŭ viedamstvie. Tak, paśla ŭmiašańnia Minhandlu ZAT «Pacia» (sietka «5 elemient») admianiła zahad ad 21 žniŭnia ab pavieličeńni cen na bytavuju techniku da 20% i viarnuła ich na raniejšy ŭzrovień.
Kantrolnyja mierapryjemstvy pa niedapuščeńni rostu cen pravodziacca jak pa niecharčovych, tak i pa charčovych tavarach, uklučajučy płodaaharodninnuju pradukcyju, asablivaja ŭvaha nadajecca rynkam krainy, paviedamiła pres-słužba.
Usiaho sa śniežnia 2014 hoda za parušeńnie paradku cenaŭtvareńnia była prypynienaja dziejnaść 35 handlovych abjektaŭ. Tak, 25 žniŭnia Minhandlu było pryniataje rašeńnie ab prypynieńnie dziejnaści mahazina TAA «Harmatny» (Homiel), u tym liku za parušeńnie paradku cenaŭtvareńnia.
U Minhandlu nahadali, što ŭ adpaviednaści z zakanadaŭstvam «nieabhruntavanaja roźnica zavyšeńnia cen padlahaje spahnańniu ŭ biudžet u dvajnym pamiery». Akramia taho, za parušeńnie paradku cenaŭtvareńnia dziejnaść handlovaha abjekta moža być prypynienaja.
Jak paviedamlałasia raniej, 27 žniŭnia pry naviedvańni Baranavickaha vytvorčaha bavaŭnianaha abjadnańnia Alaksandr Łukašenka zajaviŭ, što ŭ siońniašniaj situacyi nielha strymlivać ceny. «My pazirajem na ceny, — skazaŭ kiraŭnik dziaržavy. — Kali pačniem trymać, syduć tavary z rynku. Tak. Jość niejkaja vałatylnaść, ruch. Ja vam klanusia, što my ničoha nie robim, kab strymlivać, ci uzmacniać, ci asłablać nacyjanalnuju valutu. Budzie bolš valuty — budzie nižejšy kurs, budzie vysoki popyt, valuty nie budzie — vy viedajecie, što budzie». Łukašenka padkreśliŭ, što mienavita z-za hetaj pryčyny jon patrabuje naroščvać ekspart dla prytoku ŭ krainu valuty.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary