Z-za pachu hary i dymu ŭ Minsku abvieščany druhi ŭzrovień niebiaśpieki, paviedamiła načalnik infarmacyjna-analityčnaha adździeła manitorynhu atmaśfiernaha pavietra Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Bahdana Kaziaruk.
«Toje, što my nazirajem siońnia ŭ Minsku, prychodzić zvonku, choć, pavodle źviestak MNS, asabliva surjoznych lasnych i tarfianych pažaraŭ kala stalicy nie było», — adznačyła načalnik adździeła.
«My tolki što adpravili ŭsim bujnym pramysłovym i aŭtatranspartnym pradpryjemstvam papiaredžańnie pra niebiaśpieku druhoj stupieni. Heta aznačaje skaračeńnie vykidaŭ na 45%.
Heta vielmi surjozna: druhi vypadak u majoj praktycy paśla letašniaha», — skazała Kaziaruk.
Pry hetym jana adznačyła, što, pavodle infarmacyi bujnych krynic zabrudžvańnia ŭ Minsku, naprykład, Minskaha traktarnaha zavoda, usie krynicy vykidaŭ pracujuć u štatnym režymie.
Pavodle słoŭ Kaziaruk, u stalicy niespryjalnyja mietearałahičnyja ŭmovy.
«Samaje strašnaje — adsutnaść apadkaŭ. Doždž, jaki prajšoŭ u sieradu, nie ačyściŭ pavietra. Choć, pavodle danych vymiareńniaŭ, uzrovień zabrudžvańniaŭ raście, ale pieravyšeńniaŭ dapuščalnych normaŭ pakul niama», — skazała jana.
Pavodle danych Hidramieta, mietearałahičnyja ŭmovy, jakija skłalisia z 20 pa 26 žniŭnia, spryjali pavieličeńniu ŭtrymańnia ŭ pavietry ćviordych čaścic frakcyi pamieram da 10 mikron (CČ-10). Pavodle danych bieśpierapynnych vymiareńniaŭ, u rajonach vulic Cimirazieva i Radyjalnaj u Minsku maksimalnyja siaredniasutačnyja kancentracyi CČ-10 pieravyšała narmatyŭ jakaści ŭ 1,1—1,3 razu, pryziemnaha azonu ŭ rajonach vulicy Karžanieŭskaha i praśpiekta Niezaležnaści — u 1—1,4 razu.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary