Vyśvietliłasia, što stary dach byŭ zrobleny niapravilna i važyŭ 75 ton.
U minskim kaściole Śviatoha Rocha na Załatoj Horcy terminova mianiajuć dach. Pa słovach probašča parafii ksiandza Juryja Sańko, zrabić heta płanavałasia jašče letaś, ale hrošy znajšlisia tolki ciapier. Usie pracy pavinny być zavieršanyja za niekalki tydniaŭ.
«U nas viadziecca źmiena tolki pakryćcia dachu i krokviennaj sistemy - nijakaj restaŭracyi. Zamiena dachu patrebnaja, kab zachavać śviatyniu. Krokviennaja sistema była zroblena nie pravilna, dach važyŭ 75 ton. My bačyli, jakaja jana była avaryjnaja. Heta vymušanaja zamiena. Byli praviedzienyja ahulnyja i detalovyja abśledavańni, jakija pakazali, što dach terminova treba ablehčyć - źmianić dachoŭku, jakaja vyjšła z pryhodnaści i tolki nasyčałasia vilhaćciu. Uzhadnieńnie ŭ Minkulcie projdziena. My atrymali dazvoł jašče ŭ minułym hodzie, ale srodki znajšli tolki sioleta. Pracy pravodziacca vielmi chutka, dumaju, za niekalki tydniaŭ adnovim».
Unutry kaścioła nijakich prac nie viadziecca. Viadomy arhan staić nakryty i jamu ničoha nie pahražaje, zapeŭniŭ nas ksiondz Juryj Sańko. Da fiestyvalu arhannaj muzyki, jaki zapłanavany na kastryčnik, dach adnoviać i arhan možna budzie pačuć.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary