U Biełarusi ŭ lipieni 2015 hoda realny pamier pryznačanych piensij, raźličanych z ulikam źmieny indeksa spažyvieckich cen na tavary i pasłuhi, u paraŭnańni z červieniem 2015 hoda źniziŭsia na 0,2%, u paraŭnańni ź lipieniem 2014 hoda — pavialičyŭsia na 1,5%. Takija źviestki apublikavaŭ Biełstat.
Źnižeńnie realnaj piensii nazirajecca z pačatku hoda: u studzieni — na 2% u paraŭnańni z papiarednim miesiacam, lutym — na 1,4%, sakaviku — na 0,8%, krasaviku — na 0,9%, mai — na 0,6%, červieni — na 0,7%.
U orhanach pa pracy, zaniataści i sacyjalnaj abaronie ŭ lipieni 2015 hoda na ŭliku znachodziłasia 2 młn. 573,4 tys. piensijanieraŭ, siaredni pamier pryznačanych im piensij skłaŭ 2 młn. 659,8 tys. rubloŭ, što ŭ 2,4 razu pieravyšaje biudžet pražytačnaha minimumu dla piensijanieraŭ.
U lipieni 2015 hoda siaredni pamier piensij pa ŭzroście skłaŭ 2 młn. 749,3 tys. rubloŭ, pa invalidnaści — 2 młn. 432,8 tys. rubloŭ, u suviazi sa strataj karmiciela — 1 młn. 782,9 tys. rubloŭ, sacyjalnych piensij — 1 młn. 335,7 tys. rubloŭ.
Nahadajem, pavodle ŭkaza prezidenta pracoŭnyja piensii ŭ Biełarusi 1 vieraśnia pavialičacca ŭ siarednim na 5%.
Kamientary