Pra što płačuć amal 25-hadovyja
Ja chaču adnavicca va ŭniviersitecie i nie chaču vučycca, chaču źjechać i chaču zastacca, nie chaču pracavać i chaču zarablać hrošy. Mnie padabajucca dziaŭčaty, jakim nie padabajusia ja, a ja padabajusia dziaŭčatam, jakija nie padabajucca mnie. Ja nie baču sensu ŭ ałkaholi, ale jon vypivajecca. Maje prablemy takija typovyja dla ŭsich i nastolki ž unikalnyja dla mianie.
Ja splu pa 14 hadzinaŭ u sutki. Byvaje i bolš. Tydni prachodziać vielmi chutka. Ja ŭžo nie škaduju ab zhublenym lecie, bo kolki možna ab zhublenych letach škadavać. Sny mnie prynosiać radaść, spać lepš, čym dumać pra prablemy. Jašče, kaniečnie, prablemy možna vyrašać, ale, kali pračynaješsia a dziaviataj viečara, nastroj nie spryjaje vyrašeńniu prablemaŭ. Pad ranicu ty hatovy vučycca, udaskanalvacca i źmianiać śviet, ale chočacca spać, i son pieramahaje.
Ja prykładna viedaju, jak usio pracuje i jak ty stavišsia da prablemaŭ praź niejki čas. U 16 zaniacca seksam było samym važnym u žyćci, na pieršym kursie ja nie moh spać z-za strachu nie zdać siesiju. Siońnia heta padajecca śmiešnym. I siońniašnija prablemy mohuć być śmiešnymi, kali jany zastanucca niedzie daloka. Adzinaje, što źmianiajecca, z uzrostam składaniej čakać cudaŭ, ale tut jość cudazamianialniki, ałkahol i narkotyki, jakija choć časova skažajuć u lepšy bok uspryniaćcio rečaisnaści.
Vosieńniu mnie 25, i ja pišu heta dla taho, kab pračytaŭšy praz hod, acanić — ci sapraŭdy heta było samaje dno albo jano jašče napieradzie ci ŭžo zzadu.
-
Moža i dobra było b, kab mužčyny rabili heta 20 razoŭ na miesiac
-
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty
-
Što takoje mužčynskaja kantracepcyja ciapier? Navukoŭcy navučylisia vyklučać i ŭklučać vypracoŭku śpiermatazoidaŭ
Kamientary