«Rasija i Amieryka pavinny sieści za stoł pieramoŭ i spynić hetu vajnu. Heta hałoŭnaje, usio astatniaje — druharadnaje», — skazaŭ Alaksandr Łukašenka siońnia ŭ intervju niedziaržaŭnym ŚMI.
Jon adznačyŭ, što situacyja kardynalna źmianiłasia z taho času, jak jon prapanoŭvaŭ płan urehulavańnia situacyi va Ukrainie. «Ciapier zusim inšaja situacyja, jana nie stała praściej», — skazaŭ jon.
«Tady heta nie było aktualna, tady heta pytańnie ja nie moh navat tak pastavić. Tady ja nie tak bačyŭ vyrašeńnie hetaha pytańnia i, moža, nie treba było tady padklučać amierykancaŭ. Možna było abyścisia mienšymi siłami, mienšaj kryvioju, što nazyvajecca», — adznačyŭ kiraŭnik dziaržavy.
Pavodle jaho słoŭ, siońnia ŭsie zhodny z tym, što da vyrašeńnia situacyi pavinny padklučycca ZŠA.
«Ja ŭčora i kanhresmienam skazaŭ: kali Złučanyja Štaty Amieryki buduć zacikaŭleny ŭ tym, kab va Ukrainie byŭ mir, i buduć hatovy ŭ hetym napramku rabić kankretnyja kroki, jany pryjduć tudy jak miratvorcy i zmohuć vyznačycca z Rasijaj», — ličyć biełaruski lidar.
Na jaho dumku, Jeŭropa nie budzie suprać, kali pytańnie budzie vyrašacca ŭ napramku miru.
«Heta moj punkt hledžańnia, moža, i ŭ Rasii nie ŭsie jaho ŭsprymajuć», — dadaŭ Alaksandr Łukašenka.
Kamientary