Alaksandr Łukašenka ličyć, što biełaruskaja budaŭničaja halina zdolna naraścić ekspart. Ab hetym kiraŭnik dziaržavy zajaviŭ siońnia na naradzie ab prablemnych pytańniach raźvićcia pramysłovaści budaŭničych materyjałaŭ i šlachach ich vyrašeńnia.
«Važniejšaja zadača ciapier - vyhadna pradać i zabiaśpiečyć viartańnie valutnaj vyručki ŭ krainu. Ad hetaha zaležyć, ci raźličacca madernizavanyja pradpryjemstvy pa kredytach, ci buduć srodki na raźvićcio vytvorčaści i pavyšeńnie zarpłat rabotnikam», — skazaŭ jon.
Alaksandr Łukašenka adznačyŭ, što dla raźvićcia śfiery vytvorčaści budaŭničych materyjałaŭ u Biełarusi jość značnyja ŭłasnyja syravinnyja resursy. Jon nahadaŭ, što dla maksimalna efiektyŭnaha vykarystańnia hetaha faktaru madernizavany i značna pavialičany mahutnaści ajčynnych pradpryjemstvaŭ pa vypusku cemientu i listavoha škła. Zaviaršajecca techničnaje pieraasnaščeńnie pradpryjemstvaŭ bujnapanelnaha domabudavańnia i domabudaŭničych kambinataŭ.
«Heta značyć, što ŭ nas stvorany ŭmovy nie tolki dla zadavalnieńnia patrebnaściej unutranaha rynku, ale i dla naroščvańnia ekspartu», — padkreśliŭ jon.
Pavodle jaho słoŭ, z-za abvastreńnia kankurencyi, ściskańnia źniešnich rynkaŭ nie pieršy płan vychodziać pytańni jakaści i kankurentazdolnaści pradukcyi.
«Pakul ža praktyčna 80 pracentaŭ vypuskajemych u krainie budmateryjałaŭ realizujecca na ŭnutranym rynku. Pryčym mnie dakładvajuć ab źnižeńni popytu na pradukcyju, paharšeńni dynamiki vytvorčaści ŭ halinie, nizkaj addačy i nieefiektyŭnym vykarystańni dadatkovych mahutnaściej», — adznačyŭ kiraŭnik dziaržavy.
Alaksandr Łukašenka padkreśliŭ, što pa pytańniach raźvićcia vytvorčaści budaŭničych materyjałaŭ byŭ dadzieny šerah kankretnych daručeńniaŭ. U suviazi z hetym jon zapatrabavaŭ ad urada dałažyć ab tym, jak vykonvajucca hetyja daručeńni, što pieraškadžaje paśpiachovaj rabocie arhanizacyj, što kankretna zroblena pa finansavym azdaraŭleńni pradpryjemstvaŭ budindustryi i jakija dadatkovyja miery isnujuć u arsienale ŭrada.
«Nam nieabchodna vyznačyć, što ŭ pieršuju čarhu treba budzie zrabić dla raźvićcia haliny, a taksama vypracavać sistemnyja padychody da vyrašeńnia isnujučych zadač», — skazaŭ jon.
Pry hetym jon paprasiŭ nie zabyvać, što razmova idzie ad horadaŭtvaralnych arhanizacyjach sa šmatlikimi pracoŭnymi kalektyvami. «Dabrabyt bolš jak 50 tys. pracujučych i ich siemjaŭ zaležyć niepasredna ad stabilnaha funkcyjanavańnia hetych pradpryjemstvaŭ», — nahadaŭ Łukašenka.
Taksama Alaksandr Łukašenka zapatrabavaŭ źnižeńnia vydatkaŭ u halinie pa ŭsich mahčymych napramkach. Źnižeńnie sabiekoštu nieabchodna dla efiektyŭnych prodažaŭ i kankurencyi na rynkach susiednich krain.
Jak adznačyŭ ministr architektury i budaŭnictva Anatol Čorny, siońnia jomistaść rynkaŭ budaŭničaj industryi krychu źmienšyłasia, źniziłasia inviestycyjnaja aktyŭnaść, u tym liku ŭ susiednich ź Biełaruśsiu krainach. U Biełarusi jość praficyt mahutnaściej.
U suviazi z hetym urad źviarnuŭsia da Łukašenki z prośbaj akazańnia dziaržaŭnaj padtrymki, u pryvatnaści, pradpryjemstvam cemientnaj i šklanoj pramysłovaści. Alaksandr Łukašenka padkreśliŭ, što asnoŭnym kryteryjem dla akazańnia finansavaj padtrymki hetym pradpryjemstvam źjaŭlajecca maksimalnaje źnižeńnie sabiekoštu. Tolki kali buduć pakazany vyniki pa hetym paramietry, dapuščalna budzie havaryć ab razhladzie pytańnia mahčymaj dziaržpadtrymki hetych pradpryjemstvaŭ.
U čas narady jon źviarnuŭ uvahu taksama na nieabchodnaść abarony ŭnutranaha rynku.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary