80-hadovy brytaniec atrymaŭ kambinavany naturalna-bijaničny zrok
Ciapier jon moža bačyć navat z zapluščanymi vačyma.
U Mančestarskim Karaleŭskim špitali voka praviali ŭnikalnuju apieracyju: 80-hadovy pacyjent Rej Flin pieršym u śviecie atrymaŭ kambinavany naturalna-bijaničny zrok praź impłantant Argus II, piša The Guardian.
Bijaničnaje voka kanviertuje videasihnał z kamiery ŭ elektryčnyja impulsy, što pieradajucca pa biazdrotavym kanale na elektrody prosta na pavierchni siatčatki pacyjenta. Sihnały ź siatčatki pieradajucca ŭ mozh pa «tradycyjnym» kanale — tak ža, jak pieradavalisia by ad śviatła ŭ zdarovaha čałavieka.
Da apieracyi Flin bačyŭ tolki toje, što było nie ŭ centry, a pa pierymietry pola zroku. Kab pahladzieć televizar, jon musiŭ paviarnuć hałavu peŭnym bokam — pa centry jon bačyŭ niešta padobnaje da mutnaj čornaj «soty».
Zachvorvańnie, ź jakim jon žyŭ 8 hod, — makularnaja dehienieracyja siatčatki. Jano jość adnoj z samych častych pryčyn paharšeńnia i straty zroku ŭ raźvitych krainach, u śviecie ad jaho cierpiać 20-25 młn čałaviek.
Paśla 4-hadzinnaj apieracyi Flin moža bačyć navat z zapluščanymi vačyma. Ale tolki pry ŭmovie taho, što nosić admysłovyja akulary z kamieraj. Praŭda, mozhu jašče spatrebicca čas, kab efiektyŭna interpretavać «novuju» (dobra zabytuju staruju) infarmacyju.
Jon staŭ pieršym čałaviekam u śviecie, u jakoha skambinavany naturalny pieryfieryčny i štučny centralny zrok. Taki impłantant taksama atrymali ŭžo 130 pacyjentaŭ ź pihmientarnym retynitam, jakija nie mieli i pieryfieryčnaha zroku. Tym časam daktary mančestarskaha špitala nabirajuć jašče čatyroch pacyjentaŭ z chvarobaj jak u Flina, kab dać im «kambinavany» zrok.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Kamientary