Prava źbirać 100 tysiač podpisaŭ dla rehistracyi kandydatam u prezidenty pakul atrymali 8 pretendentaŭ. Heta:
1. Siarhiej Hajdukievič
2. Siarhiej Kalakin
3. Taćciana Karatkievič
4. Alaksandr Łukašenka
5. Anatol Labiedźka
6. Žanna Ramanoŭskaja
7. Viktar Ciareščanka
8. Mikałaj Ułachovič
A voś inicyjatyŭnyja hrupy Mikoły Statkieviča, Andreja Kanaŭca, Iryny Pieršynoj, Siarhieja Zabłockaha, Taćciany Birukovaj, Alaksandra Judajeva nie byli zarehistravanyja.
Da kožnaha ź ich u CVK byli svaje pretenzii.
U Statkieviča, pavodle mierkavańnia CVK, niama vybarčaha prava, bo jon «znachodzicca ŭ stanie sudzimaści».
Kanaviec nie žyŭ u Biełarusi na praciahu apošnich dziesiaci hadoŭ: u 2005—2007 jon siadzieŭ u Rasii. Aproč taho, siarod jahonych 100 siabroŭ inicyjatyŭnaj hrupy 15% byli zapisanyja z pamyłkami.
U Pieršynoj sa 101 čałavieka ŭ inicyjatyŭnaj hrupie byli try zamiežniki, i tolki ŭ 39 čałaviek źviestki adpaviadali rečaisnaści.
Chto taki Zabłocki, dahetul nichto nie razumieje. Jon dasłaŭ zajavu pa pošcie, što parušaje zakanadaŭstva.
Taćciana Birukova pryniesła patrebnyja 100 podpisaŭ tolki ŭ dzień pasiedžańnia (padčas padačy dakumientaŭ było tolki 53 čałavieki).
Narešcie, u Judajeva sa 107 čałaviek u śpisie zastalisia tolki 94 — astatnija byli aformlenyja z pamyłkami.
Vyniki razhladu zajavaŭ patencyjnych kandydataŭ byli ahučanyja na pasiedžańni Centralnaj vybarčaj kamisii. Mierapryjemstva prachodziła ŭ adsutnaść Lidzii Jarmošynaj – jana znachodzicca ŭ kamandziroŭcy ŭ Vienie.
* * *
Zbor podpisaŭ budzie prachodzić z 23 lipienia pa 21 žniŭnia.
Rehistracyja kandydataŭ projdzie z 6 pa 15 vieraśnia.
Vybary — 11 kastryčnika.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»50
Kamientary