U abied 13 lipienia ŭ vahonie minskaha mietro na linii «Kamiennaja horka—Mahiloŭskaja» adbyłasia bojka.
Infarmacyja źjaŭlajecca na staroncy ŭ Fejsbuku Julii Chłaščankovaj. Dziaŭčyna kaža, što prosta ŭ niejki momant na stancyi «Spartyŭnaja» adzin mužčyna pačaŭ bić druhoha. Jana ž stała cisnuć na knopku «ekstrannaja suviaź z mašynistam», kab vyklikać achovu.
Adnak achova mietrapalitena źjaŭlajecca tolki na stancyi «Maładziožnaja».
«Što takoje prafiesijanalizm słužbaŭ biaśpieki ŭ mietro? — piša Julija. — Heta kali ŭ vahonie pačynajecca bojka, i pakul uvieś vahon ŭciakaje ŭ dalni kut, ty 2 stancyi (!!!!) telefanuješ mašynistu — a tam nul pa fazie. U hety čas mužčyny ŭklučajucca ŭ raźnimańnie bojki, tak što, praces stanovicca masavym. Narešcie na adnoj z stancyj źjaŭlajecca słužba biaśpieki, zatrymlivaje ŭdzielnika bojki, zabiraje inšaha z vahona — i ŭsio. Ciahnik začyniaje dźviery, a ty kryčyš: a śviedak ŭziać? U achoŭnika na tvary źjaŭlajecca dumka, kštałtu «ad***» i jon kryčyć tabie ŭ adkaz: «Patelefanujcie ŭ 102».
Julija telefanuje ŭ 102. Adnak, kaža, tam pra zdareńnie… ničoha nie viedajuć.
Va UUS pa achovie Minskaha mietrapalitena praz paŭhadziny paśla zdareńnia Jeŭraradyjo paviedamlajuć, što ŭdzielniki bojki zatrymanyja, jość śviedki, idzie raźbiralnictva. Paźniej pres-sakratar HUVD Alaksandr Łastoŭski raspaviadaje što bojka adbyłasia pamiž stancyjami Puškinskaja i Maładziožnaja.
«U vahonie mietro, jaki ruchaŭsia z Puškinskaj da Maładziožnaj, adbyŭsia kanflikt dvuch raniej nie znajomych asobaŭ 1990 i 1976 hadoŭ naradžeńnia, jakija, jak ja razumieju, sustrelisia na vulicy, tolki što paznajomilisia, mahčyma, byli napadpitku. Pryčyna — niepryjaznaje staŭleńnie adzin da adnaho na bytavoj hlebie».
Juliju Chłaščankovu ŭsio ž vyklikajuć u milicyju, daviedvajucca pra padrabiaznaści zdareńnia. A hieroi dnia, jakija napałochali pasažyraŭ, pavodle Julii, pamirylisia.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro17
Kamientary