Rasija płanuje budavać ułasny anałah desantnych karabloŭ Mistral
Rasijskija vierfi mohuć užo ŭ nastupnym hodzie pačać budavać univiersalny desantny karabiel (UDK), jaki zaraz prajektujecca dla VMS RF, zajaviŭ hałoŭnakamandujučy fłotam Rasii Viktar Čyrkoŭ.
Pakul novyja rasijskija UDK isnujuć tolki jak makiety.
Sa spasyłkaj na słovy Čyrkova, rasijskija ŚMI paviedamlajuć, što na novym karabli možna budzie transpartavać 16 viertalotaŭ, 450 marskich piechacincaŭ i 80 adzinak naziemnaj bajavoj techniki.
Da pačatku rasijska-ŭkrainskaha kanflikta Rasija zamoviła 2 desantnyja karabli typu Mistral u Francyi, bo nie mieła technałohij dla ichniaj vytvorčaści. U kantrakt uvachodziła taksama pieradača adpaviednaj infarmacyi.
Paśla rasijskaj ahresii suprać Ukrainy pieradača karabloŭ była zamarožanaja. Takim čynam, Rasii prychodzicca budavać desantnyja karabli samastojna.
Płanujecca, što vodaźmiaščeńnie rasijskaha UDK budzie na 3000 ton bolej za francuzski Mistral.
Francuzskija ŭniviersalnyja desantnyja karabli typu Mistral mohuć prymać na bort da 450 čałaviek desantu (na karotki čas — da 900 čałaviek), 16 ciažkich viertalotaŭ, da 40 tankaŭ ci 13 tankaŭ i 46 inšych adzinak naziemnaj techniki. Papiarednim vajskovym karablom, jaki budavali francuzy dla Rasii, byŭ krejsier «Admirał Makaraŭ» — u 1908 hodzie.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma19
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary