Viniarski i Mackojć pakaranyja administracyjnym aryštam, sud nad Kułakovym — zaŭtra
Aktyvisty ruchu «Jeŭrapiejskaja Biełaruś» Maksim Viniarski i Siarhiej Mackojć, zatrymanyja ŭ Minsku 19 červienia, pakaranyja administracyjnym aryštam na dziesiać i piać sutak adpaviedna. Takoje rašeńnie pryniaŭ 22 červienia sud Minskaha rajona, paviedamiła hramadskaja aktyvistka Volha Nikałajčyk, jakaja prysutničała na pasiadžeńni.
Viniarski i Mackojć pryznanyja vinavatymi na padstavie častki 3 artykuła 23.34 Kodeksa ab administracyjnych pravaparušeńniach (parušeńnie paradku arhanizacyi i praviadzieńnia masavych mierapryjemstvaŭ).
Rašeńnie pa administracyjnaj spravie jašče adnaho aktyvista «Jeŭrapiejskaj Biełarusi» Leanida Kułakova, jaki taksama byŭ zatrymany ŭ minułuju piatnicu, budzie vyniesienaje 23 červienia. Da zaŭtrašniaha pasiadžeńnia suda jaho adpuścili dadomu.
Nahadajem, Maksim Viniarski, Siarhiej Mackojć i Leanid Kułakoŭ byli zatrymanyja viečaram 19 červienia kala supiermarkieta «Hipa» na Łahojskim trakcie za sprobu vyviesić transparant z nadpisam «Svabodu Rubcovu» (homielski apazicyjanier Juryj Rubcoŭ 28 maja byŭ asudžany na dva hady pazbaŭleńnia voli, «Mižnarodnaja amnistyja» pryznała jaho viaźniem sumleńnia). Da suda zatrymanyja znachodzilisia ŭ izalatary časovaha ŭtrymańnia Minskaha rajona.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»34
Kamientary