Biełaruskaja reaktyŭnaja sistema załpavaha ahniu paśpiachova prajšła čarhovyja vyprabavańni. Ab hetym siońnia paviedamiŭ Alaksandru Łukašenku staršynia Dziaržaŭnaha vajenna-pramysłovaha kamiteta Siarhiej Huruloŭ.
Čarhovyja vyprabavańni prajšli ŭ Kitajskaj Narodnaj Respublicy, i Alaksandr Łukašenka vykazaŭ za heta ŭdziačnaść kitajskamu boku. «Nie tak aktyŭny naš sajuźnik, Rasija, u padtrymcy našych imknieńniaŭ. Ab hetym my asobna budziem havaryć z prezidentam Rasii. Ale dziakuj Kitajskaj Narodnaj Respublicy, jaje kiraŭnictvu za hetu padtrymku», - skazaŭ kiraŭnik biełaruskaj dziaržavy.
Jak było paviedamlena Łukašenku, płany, jakija stavili pierad saboj biełaruskija śpiecyjalisty, u poŭnaj miery vykanany. Armija atrymaje dastojnaje ŭzbrajeńnie, što istotna pavysić bajavy i abaronny patencyjał krainy.
Siarhiej Huruloŭ taksama dałažyŭ ab vykanańni pastaŭlenych prezidentam zadač u častcy asnaščeńnia biełaruskaj armii sučasnymi vidami ŭzbrajeńniaŭ. U krainie idzie madernizacyja Uzbrojenych Sił, dla hetaha, pavodle słoŭ Alaksandra Łukašenki, nieabchodna ŭ tym liku rychtavać adpaviednaje ŭzbrajeńnie, «kab jano adpaviadała toj madernizacyi, jakuju my pravodzim nie tolki ŭ armii, ale i ŭ inšych siłavych strukturach».
Kiraŭnik dziaržavy kanstatavaŭ, što situacyja ŭ śviecie nie stanovicca bolš spakojnaj. Nie moža nie naściarožvać aktyŭnaść NATA na biełaruskich i rasijskich miežach.
«Jany pastajanna publična demanstrujuć svaju aktyŭnaść, pierš za ŭsio na našych hranicach, — adznačyŭ Alaksandr Łukašenka. — Heta aktyŭnaść nie moža nas nie naściarožvać. Sprava navat, napeŭna, nie ŭ hetym. My razumiejem i prapahandyscki aśpiekt hetych dziejańniaŭ. Sprava naohuł u tym, što porach treba trymać suchim. My ab hetym zaŭsiody kazali».
Kiraŭniku dziaržavy było paviedamlena i ab inšych pytańniach, jakija datyčacca raźvićcia abaronna-pramysłovaha kompleksu krainy, u pryvatnaści ab rabocie pradpryjemstvaŭ Dziaržkamvajenprama. Pastaŭlenyja pierad imi zadačy ŭ cełym vykonvajucca, u tym liku pa takim važnym pakazčyku, jak rost ekspartu.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty39
Kamientary