Jak paviedamiła pravaabaroncam žonka palitźniavolenaha Valeryja Chocina, Mikałaja Dziadka 12 maja pieraviali ŭ novaje miesca adbyćcia pakarańnia - u kałoniju PK-9 u Horkach.
A ŭžo na druhi dzień, 13 maja jon byŭ źmieščany ŭ štrafny izalatar, dzie pravioŭ 5 sutak. Litaralna praź dzień, 19 maja, jaho znoŭ adpravili u adzinočku štrafnoha izalatara. Z-za vielmi nizkaj tempieratury Dziadok vielmi pakutavaŭ usiu noč, prasiŭsia ad pieravodzie ŭ inšaje pamiaškańnie.
Urešcie rešt, kab źviarnuć uvahu dziažurnych pa ŠIZA, ranicaj 20 maja Dziadok nanios sabie rezanyja rany žyvata i ruk, paśla čaho byŭ źmieščany ŭ miedsančastku.
Paśla akazańnia pieršaj miedyčnaj dapamohi, Dziadka iznoŭ nakiravali ŭ toje ž chałodnaje pamiaškańnie ŠIZA, dzie jon znachodziŭsia da 26 maja. Pa słovach Valeryi Chocinaj, ahułam Dziadok atrymaŭ za hety niepraciahły čas 4 spahnańni.
Juryst Pavieł Sapiełka raniej paviedamlaŭ, što Papraŭčaja kałonija №9 u Horkach pryznačanaja dla źniavolenych, jakija raniej adbyvali pakarańnie ŭ vyhladzie pazbaŭleńnie voli.
Mikałaj Dziadok adbyŭ 4,5 hady źniavoleńnia za nibyta chulihanskija dziejańni ŭ dačynieńni da aficyjnych budynkaŭ i pavinien byŭ vyjści na volu 3 sakavika 2015 hoda. Adnak 26 lutaha sud Leninskaha rajona Mahilova asudziŭ palitviaźnia pa artykule 411 Kryminalnaha kodeksa «złosnaje niepadparadkavańnie patrabavańniam administracyi» da 1 hoda źniavoleńnia ŭ kałonii strohaha režymu. 30 krasavika sud kasacyjnaj instancyi pakinuŭ hety prysud u sile.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary