Palaki anansavali hulniu pra padłodku «Kursk» — rasiejcy pakryŭdzilisia
U Runecie kažuć, što rabić hulni pa matyvach takich padziej nieetyčna.
Polskaja studyja Jujubee anansavała videahulniu «Kursk», pryśviečanuju trahiedyi rasijskaj padłodki.
Hulnia źmiašaje žanry ekšnu ad pieršaj asoby, survival (hulni na vyžyvańnie) i interaktyŭnaha filma. Trahiedyju abiacajuć pakazać «z novaha punktu hledžańnia».
«Ab realnym losie hetaj ruskaj padłodki ŭsio jašče iduć sprečki, i našaj hulnioj my spadziajemsia zadać niekatoryja pytańni i adkazać na ich», — kaža Michał Stepień, dyrektar Jujubee.
Chacia hulnia jość pieršym vialikim prajektam studyi, Jujubee maje daśviedčanych supracoŭnikaŭ sa studyj CD Projekt RED (stvaralnikaŭ sieryi «Viadźmak»), Traveller's Tales (hulni pad brendam Lego) i raspracoŭščyka mabilnych hulniaŭ Infinite Dreams.
Pra «Kursk» siońnia viadoma davoli mała. Jana vyjdzie dla Windows, MacOS, PlayStation 4 i Xbox One (data nie paviedamlajecca) i budzie nacelenaja na darosłuju aŭdytoryju.
Pakul niemahčyma acanić, nakolki etyčnym budzie siužet hulni. Ale ŭ Rasii «Kursk» užo vyklikała chvalu abureńnia.
Rasijskaja «Kamsamolskaja praŭda» ličyć, što trejler hulni moža «davieści da balnicy», hałoŭny redaktar IGN Russia nazvaŭ raspracoŭščykaŭ «prahnymi vyludkami», a ŭ kamientarach da trejlera palakam prapanavali zrabić hulniu pra vyžyvańnie Lecha Kačyńskaha ŭ katastrofie pad Smalenskam, pieraličvaje TJournal.
Hulni, što majuć žorstki źmiest u dačynieńni da rasiejcaŭ, u Rasii mohuć być źniatyja z prodažu ci adcenzuravanyja. Naprykład, hulnia Company of Heroes 2 była źniataja z prodažu rasijskim vydaŭcom za epizody z rasstrełam Čyrvonaj armijaj polskich partyzanaŭ i zabojstva deziertyraŭ. U ruskaj viersii hulni Call of Duty: Modern Warfare 2 była vyrazanaja misija «Ni słova pa-rusku», u jakoj terarysty rasstrelvajuć ludziej u maskoŭskim aeraporcie.
***
Vybuch na atamnaj padłodcy «Kursk» adbyŭsia 12 žniŭnia 2000 hoda. Pa aficyjnaj viersii, uzarvałasia vučebnaja tarpieda. Uratavać ekipaž nie ŭdałosia, sa dna padniali cieły 115 sa 118 padvodnikaŭ. Na pytańnie viadoŭcy CNN Łary Kinha pra toje, što zdaryłasia z padłodkaj, prezident Rasii Uładzimir Pucin ścisła adkazaŭ: «Jana patanuła».
-
U Vialikaj Bierastavicy źnieśli ŭnikalny zajezny dvor XIX stahodździa. Na ścianie z savieckich časoŭ visieła šylda «achoŭvajecca zakonam»
-
Minkultury raskazała pra sproby viartańnia biełaruskich kaštoŭnaściaŭ, stračanych padčas vojnaŭ
-
U siecivie źjaviŭsia pieršy vialiki albom vielikodnych śpievaŭ na rodnaj movie. Pasłuchajcie
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary