Pišuć prafiesary Leanid Łyč i Mikoła Savicki.
Apošnija dva dziesiacihodździ XX stahodździa pieradali niamała samych surjoznych niavyrašanych prablem novamu XXI stahodździu, z charakternaj dla jaho niaspynnaj intensifikacyjaj hłabalizacyjnych pracesaŭ.
Dziakujučy namahańniam cyvilizavanaha śvietu, udałosia i ŭdajecca ŭ značnaj stupieni strymlivać niehatyŭnaje ŭździejańnie takich pracesaŭ na kulturnuju raznastajnaść płaniety Ziamla.
Kałasalnyja namahańni robiać prahresiŭnyja siły śvietu dla zachavańnia nacyjanalnych movaŭ jak samaj darahoj, abjektyŭna ničym niezamiennaj duchoŭnaj kaštoŭnaści kožnaha naroda. Mienavita z ulikam hetaha sama Arhanizacyja Abjadnanych Nacyj abviaściła 21 lutaha kožnaha hoda Mižnarodnym dniom rodnaj movy.
Na padstavie vynikaŭ refierendumu 14 maja 1995 hoda status druhoj pa liku dziaržaŭnaj movy atrymała ŭ nas i ruskaja mova. Da hetaha jana faktyčna panavała ŭ nas i realny status jaje byŭ namnoha vyšejšy, čym biełaruskaj movy, jakaja pa Kanstytucyi Respubliki Biełaruś 1994 hoda źjaŭlałasia adzinaj dziaržaŭnaj. Kiraŭnictva Biełarusi zrabiła ŭsio, kab tolki ruskaja mova zaniała panavalnaje stanovišča ŭ absłuhoŭvańni ŭsich śfieraŭ dziejnaści čałavieka.
Paślarefierendumnaje dvaccacihodździe dla ruskaj movy stałasia pa-sapraŭdnamu załatym. Dla pavyšeńnia sacyjalnaj roli ruskaj movy ŭ našym krai nie mahli stolki zrabić ni carskija, ni savieckija ŭłady.
Umacavańnie pazicyj ruskaj movy ŭ hramadskim užytku zabiaśpiečvałasia za košt śviadomaha, metanakiravanaha niedapuščeńnia siudy biełaruskaj movy, u vyniku čaho na svajoj histaryčnaj terytoryi jana zaraz vykonvaje praźmierna mizerny ŭ paraŭnańni z ruskaj movaj abjom sacyjalnych funkcyj.
Kali narod viali na refierendum, ułady abiacali jamu zabiaśpiečyć poŭny parytet u vykarystańni dźviuch dziaržaŭnych moŭ u aficyjnym žyćci.
Z hetym ničoha nie vyjšła: biełaruskaj movie pahražaje biezzvarot naje źniknieńnie. Kab nie dapuścić takoj nacyjanalnaj katastrofy, čarhovaje paśla 14 maja 2015 hoda dvaccacihodździe ŭładam nieabchodna zrabić dvaccacihodździem pa-sapraŭdnamu tryumfalnym dla biełaruskaj movy.
Vielmi pažadana, kab z nahody dvadccacihodździa majskaha refierendumu ŭ pieršuju čarhu prezident krainy, padnačaleny jamu dziaržaŭny čynoŭnicki aparat, a taksama samo hramadstva znajšli mahčymaść palepšyć situacyju ź biełaruskaj movaj.
Niama na siońnia bolš hanarovaha abaviazku.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty13
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary