U biełaruskich žurnalistaŭ, jakija viartalisia z Kijeva, kanfiskavali zborniki «Stop cenzury!»
Homielskija mytniki kanfiskavali ŭ biełaruskich žurnalistaŭ, jakija viartalisia z Kijeva 20 krasavika, zborniki tekstaŭ i karykatur «Stop cenzury! Hramadzianie za volnuju krainu».
Hrupu biełaruskich žurnalistaŭ i pradstaŭnikoŭ NDA ŭ punkcie propusku «Paddabranka» (Homielski rajon) supracoŭniki mytni pratrymali prykładna try hadziny. Va ŭkrainskaj stalicy jany ŭdzielničali ŭ pracy sieminara «ŚMI i NDA: sučasnyja vykliki i tendencyi. Tematyčnaja žurnalistyka».
Jak paviedamiła kiraŭnik pres-słužby ruchu «Za Svabodu» Volha Bykoŭskaja, mytniki źviarnuli pilnuju ŭvahu na litaraturu, jakuju pieravozili žurnalisty. Zborniki tekstaŭ i karykatur «Stop cenzury! Hramadzianie za volnuju krainu» byli vydadzienyja va Ukrainie pa vynikach mižnarodnaha konkursu.
Zabranyja drukavanyja materyjały mytniki majuć namier pravieryć na najaŭnaść ekstremizmu.
«Taksama supracoŭnikaŭ mytni naściarožyła, što knihi byli na ŭkrainskaj movie. Ja paśpieła prahartać vydańnie i liču, što tam niama prykmiet ekstremizmu, — knihi całkam pryśviečanyja baraćbie z cenzuraj. Adzinaje, što moža źbiantežyć našy ŭłady — ukrainski pohlad na padziei na Danbasie ŭ niekalkich karykaturach. Ale ŭsio ž naša kraina prytrymlivajecca niejtralitetu ŭ hetym kanflikcie, i heta nie moža być padstavaj dla pryznańnia litaratury ekstremisckaj», — prakamientavała žurnalist.
Pavodle jaje słoŭ, pahraničniki i mytniki pavodzili siabie karektna, ale ŭsie ž try hadziny času byli stračanyja, a knihi — kanfiskavanyja. Kanfiskacyju knih Volha Bykoŭskaja nazyvaje pierastrachoŭkaj i praduziatym staŭleńniem uład da niezaležnych žurnalistaŭ i pradstaŭnikoŭ NDA.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki2
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary