Łahičnaja zadača dla 14-hadovych «złamała mozh» karystalnikam Facebook
Zmožacie adhadać, nie padzirnuŭšy ŭ adkaz?
Sinhapurski televiadoŭca Kienet Konh vykłaŭ u Facebook łahičnuju zadaču dla školnaj alimpijady, raspaviadaje Mashable. Mierkavałasia, što jana pryznačanaja dla 10-hadovych, ale arhanizacyja SASMO, što zajmajecca matematyčnymi alimpijadami ŭ Sinhapury, papraviła Konha: zadača dla dziaciej ad 14 hadoŭ.
Zadača vyklikała haračyja (i časta niecenzurnyja) abmierkavańni. Nie 14-hadovyja, a darosłyja «łamali mozh» ab jaje. Abmierkavańnie vyjšła daloka za miežy Facebook.
Tekst zadačy
Albiert i Biernard paznajomilisia z Šerył. Jany chočuć viedać, kali ŭ jaje dzień naradžeńnia. Šerył prapanavała im dziesiać mahčymych dat: 15 maja, 16 maja, 19 maja, 17 červienia, 18 červienia, 14 lipienia, 16 lipienia, 14 žniŭnia, 15 žniŭnia i 17 žniŭnia. Jašče Šerył skazała Albiertu miesiac svajho naradžeńnia, a Biernardu - dzień.
Paśla hetaha adbyŭsia dyjałoh.
Albiert: «Ja nie viedaju, kali ŭ Šerył dzień naradžeńnia, ale ja viedaju, što Biernard taksama nie viedaje».
Biernard: «Spačatku ja nie viedaŭ, kali ŭ Šerył dzień naradžeńnia, ale viedaju ciapier».
Albiert: «Ciapier ja taksama viedaju, kali ŭ Šerył dzień naradžeńnia».
Kali ŭ Šerył dzień naradžeńnia?
Ci zmožacie dać pravilny adkaz?
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary