20 (–). Lilija Ananič
Ministr infarmacyi.
Zamienaj papiaredniamu ministru Alehu Pralaskoŭskamu (№62 u rejtynhu za 2013) stała pieršaja namieśnica. U adroźnieńnie ad papiarednich ministraŭ, ad pieršych dzion na pasadzie prajaŭlaje naporystaść, što i vyvieła jaje ŭ rejtynhu na vyšejšyja pazicyi.
Uvohule, Lilija Ananič pracuje ŭ struktury ministerstva bolš za 20 hadoŭ. Heta jana padpisvała dakumient ab spynieńni dziejnaści vydaviectva «Łohvinaŭ» za vydańnie alboma «Pres-fota Biełarusi—2011», heta jana vynosiła papiaredžańni niezaležnym ŚMI (u tym liku i za vykarystańnie abrevijatury «RB»), heta jana apielavała da dośviedu Kitaja, jaki ŭvioŭ internet-cenzuru.
Pry hetym baraćbu za aŭdytoryju ŭ internecie dziaržaŭnaja prapahandysckaja mašyna prajhraje ŭčystuju. Łukašenkaŭcy sa svaimi resursami nie mohuć navat nablizicca da papularnaści «Tut.baja», «An-łajniera», «Chartyi'97». A mahutnyja rasijskija prapahanda-mašyny pa-raniejšamu kantralujuć biełaruskuju teleprastoru.
Cytata
«Ideałohija paŭsiul: u kramie, na spažyvieckaj palicy, u biblijatecy, kudy prychodzić dzicia, na pradpryjemstvie, dzie my atrymlivajem zarobak».
Vierasień 2014
Abjektyŭka
Nar. u 1960 ŭ vioscy Levanova Barysaŭskaha rajona. Skončyła žurfak BDU (1982) i Akademiju kiravańnia (2000). Pracavała redaktaram vajskovaha NDI srodkaŭ aŭtamatyzacyi ŭ Minsku (1984—1992). Z 1992 — u sistemie Ministerstva infarmacyi, z 2014 — ministr. Zamužam, maje dvaich dziaciej.
* * *
Čytajcie taksama:
Lilija Ananič – historyja nastaŭnickaj dački z puščanskaha kraju
* * *
Ciapier čytajuć
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary