Alaksandr Łukašenka aryjentuje ŭrad i Nacbank na zachavańnie namiečanych u pieršym paŭhodździ 2015 h. stanoŭčych tendencyj u ekanomicy.
Takuju zadaču jon pastaviŭ siońnia, prymajučy z dakładam premjer-ministra Andreja Kabiakova i staršyniu praŭleńnia Nacyjanalnaha banka Paŭła Kałaura.
Alaksandr Łukašenka źviarnuŭ uvahu, što ŭ pieršym paŭhodździ namieciłasia niejkaja raŭnavaha ŭ ekanamičnaj situacyi i finansach.
Kiraŭnik prapanavaŭ abmierkavać prablemnyja pytańni, jakija mohuć paŭstać u budučyni i da jakich varta być hatovymi.
«Pieršy kvartał skončyŭsia. Davajcie ŭsio ž taki pahavorym, jak budziem žyć dalej i jak usio-taki vyjści na toje, kab, jak ja ŭžo kazaŭ pry pryznačeńni novaha składu ŭrada, nie biehčy napierad u hetaj situacyi, a zachavać status-kvo. Ni ŭ jakim razie nielha ŭpaści, choć ja i nie patrabuju, kab vy davali VUP, jašče niejki pryrost. Daj Boh, kab nam vyjści na tyja pakazčyki, jakija my z vami namiecili», — adznačyŭ kiraŭnik dziaržavy.
Premjer-ministr paviedamiŭ ab vynikach pracy ekanomiki za pieršy kvartał 2015 hoda, situacyi ŭ hrašova-kredytnaj i valutnaj śfiery. Pavodle jaho słoŭ, interviencyi Nacbanka za hety pieryjad skłali $ 40 tys., što kaža ab tym, što dla zabieśpiačeńnia dziejnaści subjektaŭ haspadarańnia na ŭnutranym valutnym rynku nie pryjšłosia źviartacca da zołatavalutnych reziervaŭ.
«My źviali pieršy kvartał pa valutnych interviencyj Nacbanka dla zabieśpiačeńnia kursu nacyjanalnaj valuty na ŭnutranym valutnym rynku praktyčna ŭ nul», — skazaŭ jon.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary