Štodnia pastupaje 400 paviedamleńniaŭ ab padazronych finansavych apieracyjach.
Biełaruskaja finansavaja raźviedka fiksuje sproby vyvadu kapitału z Rasiei praź Biełaruś u trecija krainy na fonie rasiejskaha finansavaha kryzisu. Pra heta paviedamiŭ dyrektar Departamienta finansavaha manitorynhu KDK BiełarusiViačasłaŭ Reut ŭ efiry telekanała «Biełaruś 1», paviedamlaje ahienctva BiełTA.
«Na siońnia my zakłapočanyja toj situacyjaj, jakaja adbyvajecca ŭ našych susiedziaŭ. Jak tolki vybuchnuŭ finansavy kryzis u Rasiejskaj Fiederacyi, to my bačym, jak niesumlennyja hramadzianie sprabujuć praz našu bankaŭskuju sistemu vyvodzić aktyvy ŭ trecija krainy», — paviedamiŭ kiraŭnik finansavaj vyviedki.
Jon padkreśliŭ, što departamient nadaje vialikuju ŭvahu spynieńniu takich schiem «niezakonnaha ruchu».
«My adsočvajem finansavyja płyni i starajemsia ŭ ich vyjavić mienavita tyja apieracyi, jakija źjaŭlajucca padazronymi, jakija mohuć śviedčyć pra ŭčynieńnie niejkich złačynstvaŭ», — skazaŭ Reut.
Jon dadaŭ, što ŭ departamient štodnia pastupaje bolš za 400 paviedamleńniaŭ ab padazronych finansavych apieracyjach.
Akramia hetaha, biełaruskaja finansavaja raźviedka spyniła niezakonnuju schiemu vyvadu hrošaj ź biudžetu adnoj uschodniaj krainy. Infarmacyja pra toje, što mahčymaja sproba pravieści takuju apieracyju, pastupiła ad adnaho z bankaŭ.
«Dasłoŭna praź niekalki dzion paśla paviedamleńnia banka my atrymali paćviardžeńnie ad padraździaleńnia finansavaj raźviedki hetaj krainy ab hetym fakcie. Sumiesna z Departamientam finansavych rasśledavańniaŭ KDK my praviali apieracyju. Mahu skazać, što na siońniašni dzień raspačata 4 kryminalnyja spravy, zabłakavana $3,5 młn, — skazaŭ Viačasłaŭ Reut. —Niadaŭna my spynili takuju schiemu, raspačali paradku 15 kryminalnych spraŭ. Bolš za Br300 młrd pastaŭlenyja pad sankcyi».
Kiraŭnik finansavaj raźviedki dadaŭ, što ŭsiaho pavodle materyjałaŭ Departamienta finansavaha manitorynhu ŭ 2014 hodzie było raspačata bolš za 350 kryminalnych spraŭ.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary