Штодня паступае 400 паведамленняў аб падазроных фінансавых аперацыях.
Беларуская фінансавая разведка фіксуе спробы вываду капіталу з Расеі праз Беларусь у трэція краіны на фоне расейскага фінансавага крызісу. Пра гэта паведаміў дырэктар Дэпартамента фінансавага маніторынгу КДК БеларусіВячаслаў Рэут ў эфіры тэлеканала «Беларусь 1», паведамляе агенцтва БелТА.
«На сёння мы заклапочаныя той сітуацыяй, якая адбываецца ў нашых суседзяў. Як толькі выбухнуў фінансавы крызіс у Расейскай Федэрацыі, то мы бачым, як несумленныя грамадзяне спрабуюць праз нашу банкаўскую сістэму выводзіць актывы ў трэція краіны», — паведаміў кіраўнік фінансавай выведкі.
Ён падкрэсліў, што дэпартамент надае вялікую ўвагу спыненню такіх схем «незаконнага руху».
«Мы адсочваем фінансавыя плыні і стараемся ў іх выявіць менавіта тыя аперацыі, якія з'яўляюцца падазронымі, якія могуць сведчыць пра ўчыненне нейкіх злачынстваў», — сказаў Рэут.
Ён дадаў, што ў дэпартамент штодня паступае больш за 400 паведамленняў аб падазроных фінансавых аперацыях.
Акрамя гэтага, беларуская фінансавая разведка спыніла незаконную схему вываду грошай з бюджэту адной усходняй краіны. Інфармацыя пра тое, што магчымая спроба правесці такую аперацыю, паступіла ад аднаго з банкаў.
«Даслоўна праз некалькі дзён пасля паведамлення банка мы атрымалі пацвярджэнне ад падраздзялення фінансавай разведкі гэтай краіны аб гэтым факце. Сумесна з Дэпартаментам фінансавых расследаванняў КДК мы правялі аперацыю. Магу сказаць, што на сённяшні дзень распачата 4 крымінальныя справы, заблакавана $3,5 млн, — сказаў Вячаслаў Рэут. —Нядаўна мы спынілі такую схему, распачалі парадку 15 крымінальных спраў. Больш за Br300 млрд пастаўленыя пад санкцыі».
Кіраўнік фінансавай разведкі дадаў, што ўсяго паводле матэрыялаў Дэпартамента фінансавага маніторынгу ў 2014 годзе было распачата больш за 350 крымінальных спраў.
Цяпер чытаюць
Сталі вядомыя падрабязнасці пра трагедыю ў Полацкім манастыры15
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары