U Viciebsku śledčyja orhany ŭstanaŭlivajuć śviedak napadu na vaśmikłaśnicu.
Jak paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, u siaredzinie lutaaha ŭ pravaachoŭnyja orhany z ustanovy achovy zdaroŭja pastupiła paviedamleńnie, što pa miedycynskuju dapamohu źviarnułasia 14-hadovaja dziaŭčynka z chimičnym apiokam vačej.
Padčas pravierki było ŭstanoŭlena, što cialesnyja paškodžańni vučanicy 8-ha kłasa adnoj z himnazij abłasnoha centra nanios raniej sudzimy za chulihanstva žychar Viciebska 1996 hoda naradžeńnia.
Jon padkaravuliŭ dziaŭčynku ŭ tambury pamiaškańnia kas Doma kino i, siłaj utrymlivajučy, raspyliŭ joj u tvar źmieściva hazavaha bałončyka.
Złačynca ź miesca zdareńnia ŭciok, adnak pa haračych śladach byŭ zatrymany supracoŭnikami milicyi. U dačynieńni da jaho Viciebskim haradskim adździełam SK raspačata kryminalnaja sprava.
Zaraz jamu vystaŭlena abvinavačvańnie na padstavie č. 3 art. 339 KK (asabliva złosnaje chulihanstva), jon uziaty pad vartu.
Śledčyja praciahvajuć rasśledavańnie, u tym liku aktyŭna pracujuć z abvinavačvanym. Užo na pieršapačatkovym etapie było ŭstanoŭlena, što dziejańni abvinavačvanaha charaktaryzavalisia spantannaściu, biespryčynnaściu i ahresiŭnaściu. Raniej mužčyna nie byŭ znajomy z paciarpiełaj, kanfliktnych situacyj pamiž imi nie było.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary