Prajekt pa «pierazahruzcy» dysnejeŭskaj kłasiki praciahvajecca.
Režysior novaj «Alisy ŭ krainie cudaŭ» znoŭ voźmiecca za kłasiku studyi Disney, paviedamlaje The Wall Street Journal.
Pa źviestkach vydańnia, Cim Biortan zrobić film pa matyvach multfilma 1941 hoda «Damba». Adaptacyjaj multfilma zajmiecca Eren Kruhier, adkazny za scenar čatyroch «Transformieraŭ». Razam z Kruhieram spradziusuje film Džastyn Sprynhier, viadomy pa remejku «Trona» i «Ablivijanu».
Siužet budzie pryśviečany nie tolki samomu Damba, ale i siamji, čyja historyja razharniecca paralelna z historyjaj słaniania.
U filmie buduć skarystanyja žyvyja aktory pobač z kampjutarnaj hrafikaj.
***
«Damba» — čaćviorty paŭnamietražny multfilm studyi Dysneja. Vialikavuchaje słaniania Damba cierpić z naśmiešak inšych cyrkavych žyvioł, ale vučycca latać. U 1942 hodzie stužka atrymała «Oskar» za najlepšuju muzyku da filma, u 1947 hodzie — pryz Kanskaha kinafiestyvala jak najlepšaja animacyja.
Papiaredni «dysnejeŭski» film Cima Biortana, «Alisa ŭ krainie cudaŭ», vykarystoŭvaje niekatoryja vobrazy aryhinalnaha multfilma, ale zaŭvažna adroźnivajecca ŭ siužecie i atmaśfiery. Film sabraŭ bolš za 1 młrd dalaraŭ u prakacie i atrymaŭ dva «Oskary» (za dyzajn kaściumaŭ i rabotu mastaka-pastanoŭščyka). Ale stužka atrymała dyjamietralna supraćlehłyja vodhuki krytykaŭ (siaredni bał — 53 sa 100 na Metacritic) i hledačoŭ (6,5 z 10 na IMDb).
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary