Pieršyja čatyry stancyi treciaj linii płanujuć pabudavać da 2018-2019 hadoŭ. Jany dadaduć mietro adrazu dva pierasadačnyja vuzły. Minčukam raspaviali, kolki hrošaj vydatkujuć na budaŭnicstva mietro ŭ hetym hodzie.
Letaś na prajektavańnie i budaŭnictva pieršaha ŭčastka treciaj linii mietro vydatkavali kala 68 miljardaŭ rubloŭ. Pra heta paviedamiŭ načalnik dyrekcyi pa budaŭnictvie Minskaha mietrapalitena Pavieł Carun.
U hetym hodzie na patreby treciaj linii vydatkujuć kala 981 miljarda rubloŭ. Ź ich 500 miljardaŭ — kredytnyja resursy, a 481 miljard rubloŭ vydzieleny ź biudžetu Minska.
Ciapier iduć pracy pa pieršych čatyroch stancyjach treciaj linii («Vakzalnaja», «Kavalskaja słabada», «Jubilejnaja płošča», «Płošča Bahuševiča»), inžyniernym korpusie i budynku absłuhovaha piersanału. Budaŭničaja daŭžynia ŭčastka — 4,3 kiłamietra, ekspłuatacyjnaja — na kiłamietr mienš.
Pavieł Carun miarkuje, što nahruzka na čatyry stancyi ŭ pačatku ekspłuatacyi budzie ad 10 da 20 tysiač pasažyraŭ u sutki, paśla budaŭnictva siami stancyj hetyja ličby, zrazumieła, pavialičacca.
Śpiecyjalist adznačaje, što «treciaja linija budzie vielmi sučasnaj» jak pa azdableńni, tak i pa prajektnych rašeńniach. Naprykład, pa prajekcie na ŭsich stancyjach hetaj linii budzie achoŭny ekran. Ekrany na płatformach nie dazvolać pasažyram padać na rejki. Ciahniki na novaj linii zmohuć ruchacca ŭ aŭtamatyčnym režymie (mašynisty buduć tolki kantralavać praces). Daŭžynia płatformy praduhledžvajecca z ulikam sastavaŭ ź piaci vahonaŭ mietro.
U viestybiulach novych stancyj i na ŭvachodnych zonach abiacajuć vykarystoŭvać plitku «Kieramin», jak užo rabili na samych «śviežych» stancyjach minskaha mietro. Padłohi — hranitnyja, tamu što «heta materyjał, jakomu niama alternatyvy pa znosaŭstojlivych charaktarystykach».
Doŭhačakany aŭtamatyzavany prachodčy ščyt dyrekcyja pa budaŭnictvie staličnaj padziemki płanuje atrymać u žniŭni. Pry hetym Pavieł Carun tłumačyć, što jašče dva miesiacy zojmie zborka ščyta.
Tramvajny ruch u rajonie vakzała, zakryty z-za pierakładki kamunikacyj, adkryjuć u červieni, ale znoŭ zakryjuć u kancy leta — znoŭ ža z-za patreb treciaj linii mietro.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary