Homielskaha demakratyčnaha aktyvista Źmitra Žaleźničenku, adnoŭlenaha sudom va universytecie, pryzyvajuć u vojska.
Nahadajem, 16 studzienia sud Centralnaha rajona Homiela admianiŭ zahad rektara Homielskaha dziaržaŭnaha univiersiteta imia F.Skaryny ab adličeńni studenta treciaha kursa matematyčnaha fakulteta i abaviazaŭ VNU adnavić Z.Žaleźničenku na vučobie. Aktyvist apazicyi, namieśnik staršyni abłasnoj arhanizacyi «Moładź BNF» i namieśnik staršyni hramadskaj arhanizacyi «Tałaka» byŭ adličany 7 vieraśnia «za sistematyčnaje parušeńnie praviłaŭ unutranaha rasparadku». D.Žaleźničenka źjaŭlaŭsia vydatnikam vučoby i nie mieŭ propuskaŭ zaniatkaŭ biez uvažlivaj pryčyny. Svajo adličeńnie ličyŭ palityčna matyvavanym.
Rašeńnie ab pryzyvie Z.Žaleźničenki ŭ vojska było pryniata 8 studzienia, adnak jamu pra heta nie było viadoma.
«Miesiac tamu mianie ŭžo vyklikali ŭ vajenkamat dla prachodžańnia kamisii. Ale tady paviedamili, što ŭ vojska nie voźmuć, bo tam apazicyjaniery nie patrebnyja, — zaznačyŭ u intervju BiełaPAN Z.Žaleźničenka. — Ale siońnia vajenkam patłumačyŭ mnie, što zahadana «źvierchu» brać słužyć usich. Ale ja ŭžo nakiravaŭ u pryzyŭnuju kamisiju dźvie zajavy. Sutnaść ich u tym, što ja prašu, u adpaviednaści z Kanstytucyjaj i zakanadaŭstvam, nie pryzyvać mianie na słužbu va Uzbrojenyja siły, bo ja z\jaŭlajusia členam Partyi BNF. A ŭ adpaviednaści z artykułam 36 Kanstytucyi, vajskoŭcy nie mohuć być členami palityčnych partyj. Taksama ja piśmova paviedamiŭ u pryzyŭnuju kamisiju ab tym, što ŭ vypadku pryzyvu ŭ armiju prašu nakiravać słužyć mianie ŭ vajennuju čaść, dzie ŭsie zahady buduć addavacca na biełaruskaj movie. Zahady na luboj inšaj movie ja vykonvać nie budu».
Rašeńnie ab adnaŭleńni D.Žaleźničenki va univiersitecie nabudzie moc 26 studzienia.
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary