Advakat Ilja Novikaŭ u svaim fejsbuku apisaŭ svaju siońniašniuju sustreču z ukrainskaj lotčycaj Nadziejaj Saŭčanka, jakaja znachodzicca ŭ rasijskaj turmie.
«Siońnia my z Markam Fiejhinym byli ŭ Nadziei ŭ SIZA, śledčy Dźmitryj Bakunovič znajomiŭ nas z čarhovymi pastanovami ab pryznačeńni ekśpiertyz. Da Nadziei pryjechała jaje mama Maryja Ivanaŭna, tamu praceduru daviałosia ścisnuć, inakš jaje mahli nie puścić u SIZA. (…)
Pierad pačatkam u śledčy kabiniet pryjšoŭ hałoŭny doktar «Matroskaj cišyni» Samson Madajan, asabista pamieraŭ Nadziei cisk i skazaŭ, što jaje stan dazvalaje joj udzielničać u śledčych dziejańniach i što jon nie budzie pieraškadžać, kab zaŭtra jaje pryvieźli ŭ Basmanny sud.
U kancy, kali śledčy ź pierakładčykam syšli, koratka abmierkavali ź joj majučy adbycca sud, raskłady pa Minsku i mahčymaść spynieńnia haładoŭki. Heta byŭ užo 60-y dzień. Jana nie zhadžajecca spynicca.
Konsuł Hienadź Breskalenka, jaki zabiraŭ Maryju Ivanaŭnu z aeraporta, spadziavaŭsia, što jana uhavoryć Nadzieju ŭžo paśla našaha sychodu.
Z nahody zaŭtrašniaha suda. Jon absalutna dziažurny, kali palityčnaje rašeńnie pa Nadziei Saŭčanka jašče nie adbyłosia (a bačnych prykmiet niama), joj aŭtamatam padoŭžać aryšt da 13 maja. U nas u zapasie, akramia imunitetu delehata PARIE, jakoha jašče nie było minuły raz, roznyja varyjanty pa zakładu, chatniaha aryštu i paručalnictva, uklučajučy paručalnictva ŭkrainskaj ambudsłedzi Valeryi Łutkoŭskaj. Ale ŭsio heta bolš dla čyścini ekśpierymientu, u Basmannym sudzie takija štuki nie pracujuć biez asablivaha paturańnia źvierchu…».
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary