Prezident Bałharyi Rosien Pleŭnielijeŭ (bałh. Plèvnielijev) ličyć, što rasiejski prezident Uładzimir Pucin sprabuje nie dapuścić, kab Ukraina stała novaj Polščaj. Pra heta jon skazaŭ na kanfierencyi pa biaśpiecy ŭ Miunchienie.
«Jon choča prostych rečaŭ. Jon choča nie dapuścić taho, kab Ukraina stała novaj Polščaj», — cytuje prezidenta Bałharyi ŭkrainski telekanał ATN.
Pleŭnielijeŭ nahadaŭ, što 25 hadoŭ tamu Polšča była biadniejšaj za Ukrainu. Ale paśla padzieńnia kamunistyčnych režymaŭ krainy pajšli roznymi šlachami.
Polšča ažyćciaviła śmiełyja reformy i zabiaśpiečyła viaršenstva prava, tady jak Ukraina addała pieravahu rasijskaj aliharchičnaj madeli.
I ciapier Pucin sprabuje nie dapuścić, kab Ukraina pajšła šlacham svajho zachodniaha susieda.
Padčas vystupu na Miunchienskaj kanfierencyi pa pytańniach biaśpieki prezident Bałharyi Rosien Pleŭnielijeŭ vykazaŭ mierkavańnie pra toje, što Rasija inicyjuje paŭstańnie suprać hłabalizacyi, bo nie zmahła da jaje adaptavacca.
«Jany nasamreč nikoli nie padtrymlivała hłabalizacyju.
Rasijskaja ekanomika nikoli nie adaptavałasia. Rasiejcy taksama. I ŭ procivahu hłabalizacyi Rasija atrymała šmatlikich» siabroŭ «.
I my stali śviedkami taho, jak usio heta adbyvajecca», — cytuje vydańnie «Hardon» prezidenta Bałharyi, adznačajučy, što havorka idzie pra ŭźniknieńnie ačahoŭ sieparatyzmu, jakija Rasija raspalvaje ŭ krainach byłoha SSSR.
Pry hetym jon adznačyŭ, što Jeŭropa «pierastała pisać historyju», i tamu «historyju pačali pisać inšyja».
«Rasija nie choča vajny, i my nie chočam vajny, ale jość vyrazny praces supraćstajańnia», — ličyć Pleŭnielijeŭ.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje28
Kamientary