Ministr adukacyi: Historyju Biełarusi i hieahrafiju ŭ škołach treba vyvučać pa-biełarusku
Takoje mierkavańnie vykazaŭ siońnia na pres-kanfierencyi ministr adukacyi Michaił Žuraŭkoŭ.
Nakont pytańnia vyvučeńnia historyi i hieahrafii na biełaruskaj movie ministr praviadzie naradu ź piedahahičnym aktyvam Biełarusi.
Płanujecca, što pasiadžeńnie projdzie da kanca studzienia, u im voźmuć udzieł pradstaŭniki navučalnych ustanoŭ usich rehijonaŭ krainy, aŭtarskich kalektyvaŭ, jakija pracujuć nad stvareńniem navučalnych kompleksaŭ, a taksama vučnioŭskich radaŭ.
«Vyvučać hieahrafiju i historyju Biełarusi, viadoma ž, treba na biełaruskaj movie. Ja miarkuju, što pastupova sami dzieci pryjduć da taho, što zachočuć vyvučać pałovu ci bolšuju častku pradmietaŭ ahulnaadukacyjnaj škoły na biełaruskaj movie. Tolki pravodzić hety praces piedahoh pavinien akuratna, ź luboŭju da movy i razumieńniem dziciačaj psichałohii», — skazaŭ ministr.
«My pravodzili ŭ BDU śpiecyjalnaje pasiadžeńnie i ankietavańnie studentaŭ, piedahohaŭ, supracoŭnikaŭ pa vyvučeńni mahčymaściaŭ vykładańnia pradmietaŭ na biełaruskaj movie. Vykazvańni byli jak «tak», tak i «suprać». A heta značyć, što tym, chto choča vyvučać svaju śpiecyjalnaść na biełaruskaj, treba dać hetuju mahčymaść», — ličyć Michaił Žuraŭkoŭ.
Ministr padkreśliŭ, što razmaŭlać na rodnaj movie pavinien kožny pavažajučy siabie biełarus.
«U hetym niama sumnievu. Ale pry hetym my pavinny razumieć, što ŭ Biełarusi šmat ruskamoŭnych žycharoŭ, i praces vyvučeńnia imi biełaruskaj movy pavinien być pastupovym i jakasnym», — reziumavaŭ Michaił Žuraŭkoŭ.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj23
Kamientary