Skandalna viadomy deputat zakanadaŭčaha schodu Sankt-Pieciarburha Vital Miłonaŭ nakiravaŭ zvarot premjer-ministru Dźmitryju Miadźviedzievu z prośbaj inicyjavać praces viartańnia biudžetnych srodkaŭ, vydzielenych na zdymki filma «Levijafan».
Na dumku deputata, kinastužka ujaŭlaje saboj nabor rusafobskich stereatypaŭ, nakiravanych na stvareńnie niehatyŭnaha vobraza rasijskaha hramadstva i dziaržavy.
«Režysior adlustravaŭ rasijskuju rečaisnaść u samych čornych tanach, stvaryŭ atmaśfieru hłybokaha duchoŭnaha kryzisu, skaziŭ realnaść da fantasmaharyčnaj rablezijanskaj karykatury. Sumna, što takija karciny, jak «Levijafan», zdymajucca na hrošy padatkapłacielščykaŭ, jakija čakajuć ad kinamajstroŭ zusim inšych tvoraŭ i kinakarcin», — havorycca ŭ pasłańni Miłonava.
Deputat padkreśliŭ, što Andrej Źviahincaŭ de-fakta ździejśniŭ ideałahičnuju dyviersiju suprać svajoj Radzimy.
Za try tydni da vychadu ŭ rasijski prakat filma Andreja Źviahincava «Levijafan», jaki ŭžo atrymaŭ «Załaty hłobus» i staŭ naminantam na premiju «Oskar» jak najlepšy film na zamiežnaj movie, pravasłaŭnyja aktyvisty źviarnulisia da ministra kultury Uładzimira Miadzinskaha z prośbaj zabaranić raspaŭsiudžvańnie karciny.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary