Biełaruś padtrymlivaje terytaryjalnuju cełasnaść Ukrainy i nikoli nie dazvolić inšym dziaržavam sa svajoj terytoryi ažyćciaŭlać ahresiju suprać jaje. Pra heta zajaviŭ ambasadar Biełarusi va Ukrainie Valancin Vialička.
«Ukraina dla nas — nie tolki dobraja nadziejnaja susiedka, ale i braterskaja kraina, jakaja akazałasia ŭ ciažkaj situacyi. Adnak adrazu adznaču: kiraŭnik našaj dziaržavy skazaŭ, što Biełaruś nikoli nie źvierniecca da ahresii. Bolš za toje, Biełaruś nikoli nie dazvolić i inšym krainam ź jaje terytoryi [ažyćciaŭlać ahresiju suprać Ukrainy]», — cytujuć Vialičku infarmacyjnyja ahienctvy.
«My padtrymlivajem Ukrainu jak cełasnuju ŭnitarnuju dziaržavu ŭ ramkach dziejučaj Kanstytucyi, jakaja vyklučaje fiederalizacyju», — skazaŭ dypłamat.
Vialička adznačyŭ, što ni ŭrad Biełarusi, ni biełaruskija dypłamaty nikoli nie abmiarkoŭvali vybar ŭkrainskaha naroda, jaki vyrašyŭ źmianić kiraŭnictva ŭ krainie.
«Urad Biełarusi, a taksama i pradstaŭniki ambasady nikoli nie kazali: novaja ŭłada, staraja ŭłada, što jaje źmiena — heta vielmi drenna, pravilny ci niapravilny vybar naroda. Heta ŭnutranaja sprava ŭkrainskaha naroda», — padkreśliŭ jon.
U dadzienaj suviazi Vialička adznačyŭ, što Biełaruś buduje z Ukrainaj adnosiny, «zychodziačy z vysokaha pačućcia ŭzajemapavahi». «Siońnia našy adnosiny raźvivajucca na ŭzajemavyhadnych palityčnych i ekanamičnych umovach. Biełaruś zajmaje vysokaje miesca siarod handlovych partnioraŭ Ukrainy», — skazaŭ dypłamat.
Jon taksama nahadaŭ, što ŭ Minsku pravodziacca pastajannyja kansultatyŭnyja trochbakovyja sustrečy pa ŭrehulavańni situacyi na paŭdniovym uschodzie Ukrainy.
«Biełaruś hatovaja stvaryć spryjalnyja ŭmovy dla pieramovaŭ i kansultacyj pa hetym pytańni. Miralubnaja palityka dobrazyčlivaści pamiž našymi krainami nie padpadaje pad sumnieŭ i jana nabyvaje pazityŭnuju i adčuvalnuju dynamiku, što adznačajuć mižnarodnyja arhanizacyi», — kanstatavaŭ biełaruski dypłamat.
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»32
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary