Biełaruskija talery: fantazija «Našaj Nivy»
«Vy prasili talery — ja dam vam talery». Kancept padobnych da jeŭra biełaruskich rubloŭ vyklikaŭ cikaŭnaść u bajnecie, ale ŭ kamientarach na NN čytačy pytalisia, čamu rubli, a nie talery. Što ž, prapanujem svoj kancept.
Nasamreč, biełaruskija talery isnavali, chaj niadoŭha i nieaficyjna. Pra toje, jak źjavilisia talery pry Kiebičy, padrabiazna raspaviadaŭ «Našaj Nivie» ŭ dalokim 1998-m Sieviaryn Kviatkoŭski. Na žal, vyjavy na sierviery «Našaj Nivy» nie zachavalisia, zatoje zachavalisia, naprykład, u KP. Darečy, uvieści talery prapanoŭvaŭ Ryhor Kostusieŭ u pieradvybarčaj prahramie 2010 hoda. Talery «uviali» i na moładzievym adukacyjnym feście «Respublika Mary».
Treba pamiž inšym skazać: aŭtar «taleraŭ NN» nie mastak i nie dyzajnier. Stvoranyja talery, biezumoŭna, nie paspračajucca ŭ jakaści, pradumanaści dy akuratnaści z kanceptam Ramana Dubinki. U svajo apraŭdańnie: pierad stvareńniem kupiur aŭtar prahladaŭ raznastajnyja padborki «najpryhažejšych valut śvietu» dy hartaŭ Katałoh papiarovych hrošaj śvietu.
Ale i stvaralisia jany ź inšaj metaj. Prosta kab pafantaziravać, jak vyhladali b biełaruskija hrošy, zavisia jany talerami i budź na ich nie budynki i nie źviaraty, a vybitnyja biełaruskija dziejačy. Abrać tolki vosiem dziejačoŭ było niaprosta. Dapamoh top imionaŭ Biełarusi ad «Budźma!».
Jak ličycie, jakich vybitnych dziejačaŭ varta źmiaścić na biełaruskich hrošach? Leŭ Sapieha, Maksim Bahdanovič, Tadevuš Kaściuška, Vasil Bykaŭ?.. Napišycie ab hetym u kamientarach!
I darečy, vy za rubli ci za talery?
Apytanka
Ciapier prymierajem talery na realnaje biełaruskaje žyćcio.
Kali «denaminavać» hrošy 1:1000, vyjdzie, što bochan chleba budzie kaštavać 7—9 taleraŭ, a zapałki 0,3 talery. Mnahavata. Mahčyma, lepiej «denaminavać» jak 1:10000, kab zapałki kaštavali 0,03 talery, a za dalar treba było addavać nie dziasiatak-druhi, a usiaho taler ź niejkaj drobiaźziu? Tady možna budzie padumać i pra maniety. Nu, kali inflacyju prycišyć.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary