Žanr: drama, bajavik, pryhody
Režysior: Rydli Skot
U rolach: Kryścijan Bejł, Džoeł Edhiertan, Džon Turtura, Aran Poł, Bien Miendelsan, Maryja Valvierde, Sihurni Uivier, Bien Kinhśli, Chiam Abas, Isaak Endrus.
Vialikabrytanija, ZŠA, Ispanija, 150 chv.
Majsiej źjaviŭsia na śviet u tyja časy, kali faraon zahadaŭ zabivać usich novanarodžanych chłopčykaŭ habrejskaha pachodžańnia. Kab vyratavać jaho, maci pakłała małoha ŭ košyk i adpraviła ŭniz pa Nile. Dzicia znajšła dačka faraona, jana padabrała jaho i hadavała pobač z Ramzesam — budučym faraonam. Pastaleŭšy, Majsiej budzie vyhnany ź Jehipta za svajo pachodžańnie, ale paśla vierniecca tudy pa zahadzie svajho Hospada, kab vyzvalić svoj narod ad kajdanoŭ rabstva.
Režysior Rydli Skot («Čužy»(1979), «Hładyjatar» (2000), «Pramietej» (2012)) źviartajecca da starazapavietnaha siužeta, kab stvaryć novy epičny błokbastar.
Stužka vyklikała šmatlikija sprečki: scenar časam davoli mocna adychodzić ad kłasičnaha siužeta. Akramia taho, film zabaronieny ŭ Jehipcie, Maroka i AAE, bo, pa mierkavańni ŭładaŭ, maje šmat niedakładnaściaŭ.
Tym nie mienš «Vychad» varty prahladu: jon vyjšaŭ nie tolki vidoviščnym (prachod praz Čyrvonaje mora, našeście sarančy, alihataraŭ i žab), ale i pakazvaje asnoŭnych piersanažaŭ z novaha boku.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary