Pažada (Se, jie)
Kitaj – Tajvań – ZŠA, 2007, kalarovy, 157 chv.
Režyser: Enh Li
Roli vykonvajuć: Ŭej Tanh, Toni Lun Čy Ŭaj, Li Chom-Ŭonh, Džaan Čen, Ču Čyin
Žanr: Drama
Pryzy: “Załaty leŭ” Vieenecyjanskaha kinafestu, naminacyja na “Załaty hlobus” – usiaho 12 uznaharodaŭ i 14 naminacyj
Adznaka: 8 (z 10)
Šanchaj, akupavany japoncami. Udzielniki dramatyčnaha hurtka vyrašajuć zabić vysokapastaŭlenaha kalabaranta Ji, jaki katuje padpolščykaŭ. Pieknaja aktrysa Ŭon uvachodzić u davier da palicyjanta j vyklikaje ŭ jaho pažadu. Ale hulni ź juram – nat i dziela patryjatyčnych metaŭ – sprava niebiaśpiečnaja…
Akvarelnaja pieknata kadraŭ, strymanaść ruchaŭ – i płocievaja pažada, tvary-maski, kali kožny viadzie niekalki hulniaŭ, schavanyja namioki – i pieršaja kroŭ zabojstva.
Karcina Enha Linha daskanałaja, jak vytančanaja kičavaja padrobka – i jak šedeŭr ź biezdaniu sensaŭ.
Heta nie eratyčny film, chacia sceny nieprychavanyja j ryzykoŭnyja amal jak u “Karydzie kachańnia” (kitajskija hinekolahi nat zaklikali nie paŭtarać akrabatyku žestaŭ). U łožku razhortvajecca palityčnaja baraćba – ź cialesnym dotykam, sadamazachisckaj nianaviściu, niedavieram.
Heta j nie padpolnickaja histaryčnaja stužka, kali zdrada nabyvaje naŭprostaje ŭvasableńnie (a ŭjavicie padobny siužet u biełaruskim kino!).
“Pažada” – heta klasyčnaja meladrama z kanfliktam pamiž pačućciem i abaviazkami, luboŭnym trochkutnikam i niavykazanym pryznańniem – kali pamyłka harantuje hieraičnuju śmierć, a vorahu zastajucca rany ŭ sercy.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary