Na Viciebščynie siłaviki pryjšli ŭ taksapark, jaki nie płaciŭ padatkaŭ
U Viciebskaj vobłaści spynili dziejnaść čarhovaha taksaparka, uładalnikaŭ jakoha padazrajuć va ŭchileńni ad vypłaty padatkaŭ na sumu bolš za 1,5 miljonaŭ rubloŭ, paviedamiŭ Kamitet dziaržaŭnaha kantrolu.
Pavodle źviestak Departamienta finansavych rasśledavańniaŭ KDK, dla realizacyi schiemy było zarehistravana siem padkantrolnych kampanij na hramadzian Rasii. Pamiž imi štučna raźmiarkoŭvałasia vyručka ad pasłuh taksi, što dazvalała vykarystoŭvać sproščanuju sistemu padatkaabkładańnia i źnižać padatkovuju nahruzku. Pry hetym značnaja častka dachodaŭ, jak śćviardžajecca, uvohule nie adlustroŭvałasia ŭ buchhałtarskim uliku.
Taksama vyśvietlena, što bolš za 700 kiroŭcaŭ pracavali biez aficyjnaha afarmleńnia pracoŭnych adnosin i atrymlivali vypłaty praz servis «Jandeks Taksi». U vyniku ich dachody nie ŭličvalisia aficyjna, a padatki z zarobkaŭ nie vypłačvalisia.
Pavodle raźlikaŭ KDK, z 2023 pa 2025 hod arhanizatary schiemy ŭchililisia ad vypłaty padatkaŭ na sumu bolš za 1,5 miljona rubloŭ. U dačynieńni da padazravanych raspačali kryminalnyja spravy, a dla kampiensacyi škody nakładzieny aryšt na majomaść, uklučajučy 25 aŭtamabilaŭ i hrašovyja srodki.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary