Paŭdniovakarejskija aficyjnyja asoby vyklučajuć vierahodnaść taho, što kibierataki zmohuć nanieści škodu biaśpiecy jadziernych reaktaraŭ na terytoryi Paŭdniovaj Karei.
Na minułym tydni nieviadomyja złamyśniki apublikavali ŭ Twitter schiemy dvuch jadziernych reaktaraŭ paŭdniovakarejskich AES, a taksama piersanalnyja dadzienyja 10 tysiač supracoŭnikaŭ kampanii Korea Hydro and Nuclear Power, jakaja absłuhoŭvaje AES.
Adzin z chakieraŭ, jakija ažyćciavili ŭzłom, pradstaviŭsia lidaram hrupy aktyvistaŭ pa baraćbie ź jadziernaj enierhietykaj i zbrojaj. Jon zajaviŭ, što kali da 25 śniežnia ŭrad Karei nie adklučyć pa mienšaj miery 3 reaktary, jaho hrupoŭka ažyćciavić ŭzłom i vyviedzie ich sa stroju, paviedamlaje ahienctva REUTERS.
U administracyi prezidenta Paŭdniovaj Karei zajavili, što sistema kiravańnia jadziernymi reaktarami adździelenaja ad usich źniešnich sietak (u tym liku internet).
«Sistema kiravańnia jadziernych reaktaraŭ dziejničaje asobna ad źniešnich infarmacyjnych sietak, i jaje ŭzłom chakierami pa sutnaści sprava niemahčymaja», — cytuje ROSBAŁT zajavu prezidenckaj administracyi Sieuła. Ułady zajavili, što kibiervojski Ministerstva abarony ŭzmocniać nazirańnie za dziejnaściu chakieraŭ u Sietcy.
Kampanija Korea Hydro and Nuclear Power zajaviła, što apublikavanyja chakierami schiemy AES Gori i Wolsong nie źjaŭlajucca sakretnymi.
Pavodle ŚMI, paŭdniovakarejskija ŭłady nie admaŭlajuć vierahodnaści taho, što za niadaŭnimi kibieratakami na AES staić KNDR. Pchieńjan admaŭlaje jaki-kolviek udzieł ŭ sieryi kibieratak, nazyvajučy takija čutki častkaj «brudnaj kampanii» niepapularnych paŭdniovakarejskich lidaraŭ.
U Paŭdniovaj Karei znachodziacca 23 jadziernyja reaktary, jakija pastaŭlajuć adnu tracinu spažyvajemaj ŭ krainie elektraenierhii. Try ź ich u dadzieny momant spynienyja dla biahučaha ramontu abo ŭ čakańni padaŭžeńnia licenzii.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary