Prykładna 50.000 aficeraŭ, śpiecyjalistaŭ i sałdataŭ buduć pryzvanyja na słužbu va ŭkrainskaje vojska napačatku 2015 hoda, paviedamiŭ ministr abarony Ściapan Pałtarak.
«Pryniata rašeńnie datyčna nieabchodnaści praviadzieńnia ŭ studzieni mabilizacyi. Dla čaho jana patrebnaja — dla taho, kab my stvaryli reziervy dla ŭzmacnieńnia našych mahčymaściaŭ pa abaronie našaj dziaržavy, pa druhoje, nam treba mianiać asabovy skład», — skazaŭ hienierał-pałkoŭnik Pałtarak padčas pres-kanferencyi, zapis jakoj Minabarony źmiaściła ŭ Internecie.
Usie, chto budzie paklikany z rezervu, ad aficera da šerahoŭca, projduć chutkuju 25-dzionnuju pierapadrychtoŭku adpaviedna śpiejecyjalnaści. Potym pačnucca treniroŭki ŭ składzie bajavych adzinak. Tolki paśla hetaha całkam uzbrojenyja i pierapadrychtavanyja častki buduć nakiravanyja ŭ zonu Antyterarystyčnaj apieracyi.
Taksama pačniecca viasnovy pryzyŭ žaŭnieraŭ terminovaj słužby. Takim čynam płanujecca, što da kanca sakavika ŭkrainskaje vojska atrymaje niekalki dziasiatkaŭ tysiač novych abmundziravanych, uzbrojenych i padrychtavanych bajcoŭ.
Tyja, chto ź viasny 2014 hoda vajavaŭ suprać prarasijskich bajevikoŭ, buduć u hety ž čas demabilizoŭvacca.
Taksama ministr abarony skazaŭ, što na terytoryi Danieckaj i Łuhanskaj abłaściej Ukrainy znachodziacca zaraz 6.000-8.000 žaŭnieraŭ rehularnaj rasijskaj armii. Ahulnaja kolkaść bajevikoŭ — bolš za 33 tys. čałaviek, siarod bajevikoŭ miascovyja ŭradžency składajuć nie bolš za 15-20 adsotkaŭ.
Budučyja dziejańni Rasijskaj Federacyi ciažka pradkazać, skazaŭ Ściapan Pałtarak, tamu treba jakasna pravieści padrychtoŭku rezervaŭ i być hatovymi da «niečakanaściaŭ» z boku terarystyčnych hrupovak.
Minuły prezident Ukrainy Viktar Janukovič abiacaŭ admianić pryzyŭ u armiju, adnak Ukraina była vymušanaja adnavić pryzyŭnuju sistemu ŭ suviazi z ahresijaj z boku RF u Krymie i terytoryjach Danieckaj i Łuhanskaj abłaściej.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary