Sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec zajaviŭ siońnia na pres-kanfierencyi ŭ Minsku, što BCHD u 2015 hodzie raspačnie kampaniju salidarnaści ź Irynaj Mocnaj i płanuje źviarnuć uvahu na niedarečnaść zakanadaŭstva, jakoje rehuluje adnosiny dziaržavy i pryjomnych siemjaŭ.
«Pasył ź ich [miascovych čynoŭnikaŭ — K.Ch.] boku prosty: mafija bieśśmiarotnaja, chto zamachnuŭsia na miascovaje načalstva, taho treba źniščać. I rajonnyja ŭłady metanakiravana viaduć hetuju kampaniju z dapamohaj prakuratury, z dapamohaj milicyi, z dapamohaj usiaho rajvykankama. Faktyčna ŭ kožnym rajonie jość takaja historyja, prykłady, na jakich rajonnaja ŭłada pakazvaje, što jana ŭsiemahutnaja», — skazaŭ Pavieł Sieviaryniec.
Sieviaryniec patłumačyŭ, što ŭ novym hodzie BCHD nakiruje zvarot u mižnarodnyja pravaabarončynia arhanizacyi. Taksama BCHD źbirajecca pravieści infarmacyjnuju kampaniju, kkab prainfrmavać nasielnictva na prykładzie siamji Iryny Mocnaj, ź jakimi parušeńniami zakonu z boku miascovych čynoŭnikaŭ možna sutyknucca i jak z hetym zmahacca. U studzieni BCHD płanuje pravieści kruhły stoł z udziełam pryjomnych siemjaŭ, što padviarhajucca pieraśledu čynoŭnikami, a taksama inicyjavać pryniaćcie papravak u siamiejnaje zakanadaŭstva Biełarusi.
Pavał Sieviaryniec taksama zaklikaŭ pisać Irynie Mocnaja ŭ SIZA pa adrasie: 212011, Mahiloŭ, vuł. Krupskaj, 99A.
Nahadajem, što pryjomnuju maci z Klimavičaŭ Irynu Mocnuju Klimavicki rajonny sud prysudziŭ da 4 hadoŭ źniavoleńnia. Irynu praznali vinavataj u parušeńni artykuła 176 (Złoŭžyvańnie pravami apiekuna abo papiačyciela), č.2 art. 154 (Katavańnie, ździejśnienaje ŭ dačynieńni da zaviedama dla vinavataha ciažarnaj žančyny, albo niepaŭnaletniaha, albo asoby, jakaja znachodzicca ŭ biezdapamožnym stanie abo zaležać) i č.1 art. 183 (Niezakonnaje pazbaŭleńnie voli, ździejśnienaje sposabam, niebiaśpiečnym dla žyćcia abo zdaroŭja paciarpiełaha, albo jakoje supravadžałasia pakutami) Kryminalnaha kodeksa Biełarusi. Sud adbyvaŭsia ŭ zakrytym režymie.
Da hetaha ŭletku 2014 hoda ŭ siamji Mocnych adabrali pryjomnych dziaciej.
Sama Iryna, jaje syn Dźmitryj, a taksama siabry BCHD upeŭnieny, što sapraŭdnaja pryčyna pieraśledu Iryny Mocnaj — pomsta čynoŭnikaŭ za jaje aktyŭnuju pazicyju ŭ adstojvańni pravoŭ, harantavanych joj jak pryjomnaj maci. U jakaści «spuskavoha kručka» ŭsioj historyi sama Iryna nazyvała patrabavańnie zrabić ramont u domie, vydzielenym Mocnym pad dziciačy dom siamiejnaha typu.
Sama Mocnaja kazała, što jaje skarhi ŭ Kmitet dziaržkantrolu stali padstavaj dla zvalnieńnia byłoha staršyni Klimavickaha rajona Vitala Hryšanava.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary