Z zajavaj vystupiła Dunia Mijatavič.
Pradstaŭnik ABSIE pa pytańniach svabody ŚMI Dunia Mijatavič zajaviła, što papraŭki ŭ zakon ab uzmacnieńni žorstkaści dziaržaŭnaha kantrolu internetu ŭ Biełarusi pradstaŭlajuć saboj surjoznuju pahrozu dla svabody słova i svabody masavaj infarmacyi. Jana taksama źviarnuła ŭvahu na apošnija błakavańni šerahu navinavych partałaŭ u krainie.
«Hetyja papraŭki zasnavanyja na niapeŭna sfarmulavanych pravavych pałažeńniach i dajuć dziaržavie pieravažnaje prava ŭmiešvacca ŭ lubuju infarmacyju, raźmieščanuju ŭ internecie. Jany taksama nakładajuć funkcyi kvazi-cenzury na raspaŭsiudnikaŭ infarmacyi»,
— havorycca ŭ zajavie Mijatavič.
«Internet pavinien zastavacca volnaj prastoraj dla hramadzian z metaj abmienu infarmacyjaj i vykazvańnia krytyčnych pohladaŭ. Šyrokaje tłumačeńnie hetych novych papravak pryviadzie da praźmiernaha kantrolu anłajn-kantentu z boku ŭładaŭ», — adznačyła pradstaŭnik ABSIE.
Mijatavič źviarnuła ŭvahu na prablemu z błakavańniem u Biełarusi šerahu navinavych sajtaŭ (Charter97.org, Naviny.by, Belaruspartisan.org), infarmacyjnaha ahienctva BiełaPAN, jakoje pieryjadyčna adbyvajecca z 19 śniežnia.
Kamientary