Vialebnaja Libi Łejn była pryznačanaja pieršaj žančynaj-biskupam u anhlikanskaj carkvie, usiaho praź miesiac paśla histaryčnaj źmieny kananičnaha prava, paviedamlaje sajt stpetershale.org.uk.
Jana stanie novym biskupam Stokporta – hety post zastavaŭsia vakantnym z maja hetaha hodu. Spadarynia Łejn była vikaryjem u carkvie Saint Peter's Hale, a taksama ŭ Saint Elizabeth's Ashley, što znachodzicca ŭ jeparchii Čester, pačynajučy z 2007 hoda.
Hienieralny Sinod prahałasavaŭ za prava žančyn być pryznačanymi na pasadu biskupaŭ u lipieni, a aficyjna zakon byŭ pryniaty 17 listapada. Dadzienaje pryznačeńnie skončyła vyklučna mužčynskuju historyju pasady biskupa ŭ anhlikanskaj carkvie i adbyłosia praz 20 hadoŭ paśla taho, jak žančyny atrymali mahčymaść stanavicca tam śviatarami.
Libi Lejn była paśviečany ŭ san dyjakana ŭ 1993 hodzie, a śviatarom stała ŭ 1994 hodzie i pačała słužyć u Błekbernie, hrafstva Łankašyr.
Vystupajučy ŭ ratušy Stokporta, dzie jana była abvieščanaja ŭ jakaści novaha biskupa horada, Libi Łejn skazała: «Ja ŭdziačnaja za davier, akazany mnie jeparchijaj Čestera, choć i troški napužanaja. Heta niečakana i vielmi cikava. U hety histaryčny dzień, kali anhlikanskaja carkva ŭpieršyniu pryznačaje žančynu biskupam, ja vielmi ŭdziačnaja ŭsim tym, chto pajšoŭ raniej za mianie, žančynam i ludziam, jakija na praciahu dziesiacihodździaŭ čakali hetaha momantu. Ale bolš za ŭsio ja ŭdziačnaja Bohu».
«Carkva zaraz maje vydatnuju mahčymaść, kab abviaścić znoŭku, u hetym pakaleńni, Dobruju Viestku Isusa i pabudavać Jaho carstva. Anhlikanskaja carkva pryzvanaja słužyć ludziam hetaj krainy, i, budučy prysutnaj u kožnaj supolnaści, my možam pieradavać našu vieru lepš za ŭsio, kali naša žyćcio dapaŭniaje žyćcio inšych ludziej, asabliva najbolš uraźlivych. Ja vielmi rada mahčymaściam i zadačam, jakija čakajuć mianie napieradzie», – dzielicca svaimi ŭražańniami spadarynia Łejn.
Premjer-ministr Vialikabrytanii Devid Kemieran pavinšavaŭ spadaryniu Łejn i skazaŭ: «Heta histaryčnaje pryznačeńnie i važny krok napierad dla anhlikanskaj carkvy ŭ adnosinach da bolšaj roŭnaści na svaich kirujučych pasadach».
Libi Lejn budzie aśviačonaja jak vośmy biskup horada Stokparta na cyrymonii ŭ Kafiedralnym sabory Jorka 26 studzienia 2015 hodu.
Pieršyja žančyny-śviatary ŭ anhlikanskaj carkvie źjavilisia ŭ 1994 hodzie, ale da siońniašniaha dnia žančyny nie mahli zajmać tam vyšejšyja pasady.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni6
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Kamientary