Palicyja Jekaciarynburha prahnała ź mietro lidara hurtu «Čajf», kali jon śpiavaŭ tam
Vypadak adbyŭsia 9 śniežnia ŭ rasijskim Jekaciarynburhu, piša «Naša hazieta».
Muzyki viadomaha hurtu «Čajf» Uładzimir Šachryn, Uładzimir Biehunoŭ i dyrektar fiestyvalu «Stary novy rok» Jaŭhienij Harenburh praviali akcyju «Rok na asku» (ask — prasić, anhł.: zarablańnie hrošaj nievialikimi vuličnymi vystupami).
Muzyki spuścilisia ŭ padziemny pierachod stancyi mietrapalitena «Płošča 1905» i raskleili pa ścienach afišy festu «Stary novy rok». Paśla čaho dastali hitaru, raskłali čachoł dla hitary, pakłali ŭ jaho kapialuš i pačali śpiavać, źviartajučysia da minakoŭ z prośbaj «dać na fiestyval».
«Akcyja naradziłasia spantanna, my jaje nie płanavali i ź mietrapalitenam nie ŭzhadniali», — skazaŭ Šachryn.
Praz 10 chvilin paśla pačatku kancerta da vystupoŭcaŭ padyšoŭ supracoŭnik palicyi i paprasiŭ vyzvalić terytoryju padziemki. Šachryn, Biehunoŭ i Harenburh paprasili vykanać jašče adnu pieśniu - i razam ź minakami jany choram praśpiavali zaklučnuju «Oj-jo». Paśla čaho padyšli supracoŭniki mietrapalitena i palicyjanty, i muzyki vymušanyja byli pakinuć padziemku.
Kamientary