Adkrytuju demanstracyju tytuniovych vyrabaŭ u 2015 hodzie płanujecca zabaranić u Biełarusi. Pavodle infarmacyi, pakiet dakumientaŭ, jaki praduhledžvaje ŭ tym liku heta rašeńnie, znachodzicca ŭ Saviecie ministraŭ.
U vypadku kali padrychtavanaje rašeńnie budzie pryniata, prysutnaść tytuniovych vyrabaŭ na palicach kramaŭ karennym čynam źmienicca.
«U vypadku ŭviadzieńnia zabarony na adkrytuju demanstracyju tytuniovych vyrabaŭ kala kasy budzie znachodzicca tolki prejskurant ź pieralikam cyharet, jakija ŭ prodažy», — rastłumačyŭ adzin z udzielnikaŭ tytuniovaha rynku.
Jon adznačyŭ, što takaja situacyja stvoryć niazručnaści jak dla handlovaha piersanału, tak i dla pakupnikoŭ.
«Heta napeŭna vykliča niezadavolenaść spažyŭcoŭ, pavysić niervovaść i moža pryvieści da kanfliktnych situacyj. Čarha kala kas handlovych arhanizacyj budzie ruchacca paśla hetaha bolš pavolna. Spačatku pakupnikam daviadziecca doŭha vyvučać prejskurant, potym udakładniać najaŭnaść u prodažy patrebnaj marki cyharet. Usio heta pryviadzie da taho, što absłuhoŭvańnie pakupnikoŭ u mahazinach zamarudzicca», — miarkuje surazmoŭca.
Akramia hetaha, adznačajuć naziralniki, heta pryviadzie da taho, što budzie ciažejšym vyvad na rynak novych marak cyharet.
«Spažyviec budzie kuplać marki, jakija kuryć ci pamiataje. Vyvieści na rynak cyharety inšaha farmatu ci inšaj marki stanie amal niemahčyma. Kali ŭ prejskurancie źjavicca radok pra novuju marku cyharet, heta praktyčna nijak nie paŭpłyvaje na jaje paznavalnaść spažyŭcom», — adznačyŭ udzielnik tytuniovaha rynku.
Pry hetym uzrastuć ryzyki, źviazanyja ź nielehalnym handlem, bo budzie stračany elemient prazrystaści, bo tavar budzie całkam schavany ad nazirańnia, reziumavaŭ surazmoŭca.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary