16 śniežnia a 19:00 zaprašajem na adkryćcio fotavystavy «Vid z akna».
Fotavystava «Vid z akna» ujaŭlaje saboj ekspazicyju fatahrafij, źniatych z adnaho punktu haradskoj prastory — z voknaŭ vuhłavoha pakoja, što hladziać na vulicu Lenina i Nacyjanalny mastacki muziej. Aŭtarka nazirała za źmienami navakolla i padziejami pad jaje voknami na praciahu adnaho hoda. Kuratarka vystavy Alena Šalima.
Fatohraf Uładzimir Parfianok prakamientavaŭ vystavu nastupnym čynam:
«Vid z akna» Džozefa Nisiefora Ńjepsa, jaki datujecca 1827 hodam, — ci nie samaja pieršaja fotahiennaja vyjava, što ŭvajšła ŭ historyju fatahrafii zadoŭha da aficyjnaha paviedamleńnia pra jaje adkryćcio ŭ 1839 hodzie. Z tych časoŭ amal kožny ŭładalnik fotakamiery — viedajučy albo zusim nie ŭśviedamlajučy pra isnavańnie hetaha chrestamatyjnaha zdymka ź niajasnymi abrysami, — chacia b raz u svaim žyćci rabiŭ zdymak vidu sa svajho vakna. Takaja ŭžo pryroda ŭ fotaamatarstva — intuityŭna ruchacca z kamieraj uzdoŭž za svaim cikaŭnym pozirkam.
Kali dla Ńjepsa jahony «vid z akna» byŭ usiaho tolki nieabchodnaj sprobaj adpracoŭki technałahičnaha pracesa niekalkihadzinnaj ekspazicyi, to dla sučasnych fatohrafaŭ i fotamastakoŭ zdymki vidaŭ z akna — praces pierad usim tvorčy. Znachodziačysia ŭ svojeasablivym schoviščy i zastajučysia amal niezaŭvažanym dla minakoŭ, u fatohrafa jość mahčymaść zafiksavać źmienlivyja vobrazy pa toj bok škła, pieraŭtvarajučy sam praces zdymkaŭ u kanceptualnuju akcyju nazirańnia za vonkavym śvietam i jahonym układam. I Alaksanda Bajaryna prapanuje nam svoj varyjant karciny śvietu, jaki raspaviadaje nie tolki pra rečaisnaść, ubačanuju praz akno ŭłasnaj kvatery, ale i pra asabisty nutrany suśviet samoj aŭtarki…»
Minsk, kinateatr «Pieramoha», vuł. Internacyjanalnaja, 20.
Časy pracy: paniadziełak – niadziela, 12:00 – 22:00.
Kamientary