Prezident Ukrainy Piatro Parašenka ŭznaharodziŭ ordenam Hierojaŭ Niabiesnaj sotni troch zamiežnikaŭ — hramadzianina Biełarusi Michaiła Žyźnieŭskaha i hramadzian Hruzii — Zuraba Turcyja i Davida Kipiani, jakija zahinuli padčas Revalucyi hodnaści (padziej na Majdanie ŭ studzieni-lutym 2014 h.).
Jak paviedamili ŭ pres-słužbie kiraŭnika dziaržavy, adpaviedny dakumient Parašenka padpisaŭ padčas sustrečy z baćkami Michaiła Žyźnieŭskaha, jakim pieradaŭ uznaharodu ich syna.
Kiraŭnik dziaržavy padziakavaŭ baćkam za toje, što vychavali hieroja, pamiać ab jakim nazaŭždy zastaniecca ŭ sercach ukraincaŭ.
«Vaš syn — sapraŭdy hieroj. Jon addaŭ samaje kaštoŭnaje — svajo žyćcio. I addaŭ jaje nie tolki za svabodu Ukrainy, ale i za toje, kab była demakratyja i svaboda va ŭsioj Jeŭropie i va ŭsim śviecie», — adznačyŭ prezident Ukrainy.
U svaju čarhu maci Žyźnieŭskaha raspaviała, što ŭ Biełarusi jaje syna ličać «bandytam i nacystam», dadaŭšy, što na mahile zahinułaha hieroja nieviadomyja pastajanna zryvajuć ukrainski ściah. Jana vykazała nadzieju, što zvańnie Hieroja Ukrainy dazvolić źmianić staŭleńnie da jaje syna.
Parašenka nahadaŭ, što dla zahinuŭšych hierojaŭ Revalucyi hodnaści była zasnavanaja ŭznaharoda — orden Hierojaŭ Niabiesnaj sotni.
Prezident adznačyŭ, što robić usio mahčymaje dla taho, kab Žyźnieŭski atrymaŭ zvańnie «Hieroj Ukrainy», adnak ciapier zakon nie dazvalaje ŭručać hetuju ŭznaharodu zamiežnikam, i patrebna adpaviednaje rašeńnie Viarchoŭnaj Rady. Kiraŭnik dziaržavy vykazaŭ nadzieju, što parłamient prymie nieabchodnyja źmieny ŭ zakanadaŭstva.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary