Abnoŭleny antykarupcyjny zakon ujaŭlaje saboj adziny nacyjanalny płan pa baraćbie z karupcyjaj. Ab hetym zajaviŭ siońnia va Ušačach (Viciebskaja vobłaść) žurnalistam staršynia Viarchoŭnaha suda Valancin Sukała, jaki pryniaŭ udzieł va ŭračystaj cyrymonii adkryćcia novaha budynka rajonnaha suda.
Pavodle słoŭ Valancina Sukały, novy zakon padrychtavany ŭžo, u bližejšy čas adbudziecca jaho abmierkavańnie ŭ kiraŭnika dziaržavy. «Heta takaja nacyjanalnaja prahrama, adziny nacyjanalny płan baraćby z karupcyjaj. U zakon uvachodzić usio toje, što raniej źmiaščałasia ŭ razroźnienych pravavych aktach. Akramia taho, pravavy akt istotna dapoŭnieny i ŭ im jość usio, što treba dla efiektyŭnaj baraćby z hetym złom», - adznačyŭ staršynia Viarchoŭnaha suda.
Havoračy ab novym budynku rajonnaha suda va Ušačach, Valancin Sukała padkreśliŭ, što ŭ biahučym hodzie ŭ rajcentrach krainy zavieršana budaŭnictva troch takich abjektaŭ (Stolin, Ušačy i Vałožyn). Usie jany ŭźviedzieny pa typavych prajektach. «Z 1 studzienia biahučaha hoda budaŭnictvam budynkaŭ rajonnych sudoŭ zajmajecca niepasredna Viarchoŭny sud, heta funkcyja pierajšła da nas ad Ministerstva justycyi. Aktyvizavali svaju dziejnaść i znajšli mahčymaść skancentravać srodki na zaviaršeńni hetych abjektaŭ. U novym hodzie my ŭviadziom jašče 4 budynki sudoŭ. Heta istotna, tamu to dahetul niekalki hadoŭ nie było ŭviedziena nivodnaha abjekta», - skazaŭ staršynia Viarchoŭnaha suda.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary