Siońnia pres-słužba Nacyjanalnaha banka Biełarusi paviedamiła, što maniety sieryi «Umacavańnie i abarona dziaržavy» z vyjavaj Kanstancina Astrožskaha byli adbityja na manietnym dvary Nacyjanalnaha banka Respubliki Kazachstan.
Paviedamleńni pra vyrab maniety źjavilisia jašče na minułym tydni, ale tady ŭ pres-słužbie Nacbanka patłumačyli, što jaje vychad zapłanavany na 24 listapada. I toje ŭ vypadku, kali dyzajn maniety projdzie ŭsie ŭzhadnieńni i nie zdarycca inšych nakładak.
Usiaho było adbita piać tysiač maniet.
Dźvie tysiačy ź ich — sa srebra (spłaŭ 925) naminałam 20 rubloŭ. Astatnija zrobleny ź miedna-nikielevaha spłavu. Jany majuć mienšyja dyjamietr i naminał — 1 rubiel.
Vyjava maniety pakul nie źjavilisia na sajcie Nacbanka. Adnak z apisańnia vynikaje, što
na aviersie maniety źmieščany dziaržaŭny hierb Biełarusi, naminał maniety, a taksama vyjavy pierhamienta ź piačatkaj i bułavy — simvała hietmanskaj ułady. Reviers azdobleny partretam Kanstancina Astrožskaha i familnym hierbam.
U pres-relizie na sajcie havorycca, što manieta musić pastupić u prodaž u druhoj dekadzie śniežnia. Cana nie nazyvajecca. Ale, miarkujučy pa cenach na pamiatnyja maniety ź sieryi «Umacavańnie i abarona dziaržavy» takoj samaj vahi i naminału, srebranaja manieta z Astrožskim budzie kaštavać kala 325 tysiač, a miedna-nikielevaja manieta — da 10 tysiač rubloŭ.
-
U Vialikaj Bierastavicy źnieśli ŭnikalny zajezny dvor XIX stahodździa. Na ścianie z savieckich časoŭ visieła šylda «achoŭvajecca zakonam»
-
Minkultury raskazała pra sproby viartańnia biełaruskich kaštoŭnaściaŭ, stračanych padčas vojnaŭ
-
U siecivie źjaviŭsia pieršy vialiki albom vielikodnych śpievaŭ na rodnaj movie. Pasłuchajcie
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary